Iran-Israel War Update : इस्रायलच्या हल्ल्याचा भारताला बसला पहिला मोठा फटका, धोक्याची घंटा

मध्य पूर्वेत सुरु असलेलं युद्ध दिवसेंदिवस अजून भीषण होत चाललं आहे. सुरुवातीला परस्परांच्या लष्करी तळांवर हल्ले केले. आता ही लढाई ऊर्जा ठिकाणांवर हल्ल्या करण्यामध्ये बदलू लागली आहे. अमेरिकेने मागच्या आठवड्यात इराणच्या खार्ग बेटावर हल्ला केला. हे इराणचं मुख्य तेल निर्यात केंद्र आहे. अमेरिकेने सांगितलं आम्ही खार्ग बेटावरील लष्करी ठिकाणांना लक्ष्य केलं, तेलाच्या सुविधांना हात लावला नाही. एकप्रकारे स्ट्रेट ऑफ हॉर्मुझ बंद ठेवणाऱ्या इराणला तो इशारा होता. त्यानंतर काल इस्रायलने इराणच्या साऊथ पार्स गॅस फिल्डवर हल्ले केले.अमेरिका-इस्रायलने पहिल्यांदा इराणच्या नैसर्गिक वायूच्या ठिकाणांवर हल्ला केला आहे.

या हल्ल्यामुळे भडकलेल्या इराणने सौदी अरेबिया, कतर आणि यूएईच्या तेल व गॅस ठिकाणांना टार्गेट करण्याची धमकी दिली होती. त्यानुसार इराणने कतर आणि सौदी अरेबियाच्या गॅस प्रकल्पांवर हल्ले केले आहेत. परिणामी जगभरात गॅस तुटवड्याच संकट अजून गंभीर होऊ शकतो. इराणने कतरच्या गॅस प्रकल्पावर हल्ला केला आहे. भारताचा 47 टक्के एलपीजी कतरच्या गॅस प्रकल्पातून येतो. हा भारतासाठी मोठा झटका आहे. तिथे उत्पादन कमी झाल्यास भारताला याची झळ बसू शकते.

युद्ध आता तेल युद्धामध्ये बदलू लागलय

इस्रायलने इराणच्या गॅस प्रकल्पावर केलेला हल्ला आणि इराणने दिलेलं प्रत्युत्तर याचा भारतीय शेअर बाजारात लगेच परिणाम दिसून आलाय. भारतीय शेअर बाजाराला याचा मोठा फटका बसला आहे. मागच्या तीन दिवसांपासून शेअर बाजारात सुरु असलेल्या तेजीला ब्रेक लागला आहे. मिडिल-ईस्टमध्ये सुरु असलेलं युद्ध आता तेल युद्धामध्ये बदलू लागलं आहे.

सेंसेक्स किती अंकांनी कोसळला

आखाती देशातील तेल आणि गॅस प्रकल्पांवर हल्ले झाल्याने आंतरराष्ट्रीय बाजारात कच्चा तेलाच्या किंमती भडकल्या आहेत. अचानक Brent Crude Price 113 डॉलर प्रतिबॅरलवर पोहोचली आहे. आशिया बाजारात याचे पडसाद पहायला मिळतायत. आज भारतीय शेअर बाजार उघडताच कोसळला. मुंबई शेअर बाजाराचा 30 शेअर्स वाला सेंसेक्स इंडेक्स (BSE Sensex) गुरुवारी बाजार उघडताच 1900 अंकांनी कोसळला. नॅशनल स्टॉक एक्सजेंचा निफ्टी सुद्धा 550 पेक्षा जास्त अंकांनी कोसळला.