1 कोटींचे घर खरेदी करण्यासाठी किमान पगार किती असावा? जाणून घ्या

तुम्हाला घर खरेदी करायचे असेल तर ही बातमी नक्की वाचा. कोणतेही घर खरेदी करताना आपल्याकडे पूर्ण कॅश पैसे नसतात. अशा वेळी आपण कर्ज घेऊन घर खरेदी करण्याचा विचार करतो. तुम्हाला देखील 1 कोटीचे घर खरेदी करायचे असेल तर ही बातमी नक्की वाचा. तुमचे बजेट, किती सॅलरी असली पाहिजे, याची माहिती आम्ही पुढे देत आहोत. चला तर मग जाणून घेऊया.

स्वत:चे घर खरेदी करणे हे प्रत्येक व्यक्तीचे स्वप्न असते, परंतु आजकाल सामान्य नोकरदार लोकांना स्वतःचे घर खरेदी करणे खूप कठीण झाले आहे. याचे कारण म्हणजे मालमत्तेचे वाढलेले दर. अशा परिस्थितीत आजकाल अनेक लोक बँकेकडून गृहकर्ज घेऊन घर खरेदी करण्याचे आपले स्वप्न पूर्ण करत आहेत. जर तुम्हीही गृहकर्ज घेऊन स्वत:चे घर खरेदी करण्याचा विचार करत असाल तर ही बातमी तुमच्यासाठी खूप महत्त्वाची ठरणार आहे.

काही लोक घर खरेदी करताना आपल्या घराच्या बजेटचा विचार करत नाहीत आणि दरमहा फक्त ईएमआय भरावे लागतील असा विचार करून महागडे घर खरेदी करतात, परंतु घर खरेदी करताना नेहमी आपल्या मासिक उत्पन्नाचा विचार करून घराचे बजेट तयार करा. चला जाणून घेऊया कसे.

घरगुती बजेट कसे सेट करावे?

आपल्या घराचे बजेट ठरवण्यासाठी आपल्याला आपल्या उत्पन्नाकडे लक्ष द्यावे लागेल. तुम्ही तुमच्या वार्षिक उत्पन्नाच्या 3 ते 5 टक्क्यांपेक्षा जास्त किंमतीत घर खरेदी करू नये, म्हणजेच जर तुमचे वार्षिक उत्पन्न 10 लाख रुपये असेल तर तुम्ही 30 ते 50 लाख रुपयांच्या बजेटमध्ये घर खरेदी करू शकता.

1 कोटींचे घर खरेदी करण्यासाठी किती पगार असावा?

तुम्हाला 1 कोटी रुपयांचे घर खरेदी करायचे असेल तर तुमचे वार्षिक उत्पन्न 20 लाख रुपयांपर्यंत असणे आवश्यक आहे, म्हणजेच तुमचा मासिक पगार 1.66 लाख रुपये असावा.

होम लोन घेताना लक्षात घ्या गोष्टी

तुम्ही गृहकर्ज घेत असाल तर घराच्या किंमतीच्या 40 टक्क्यांपर्यंत डाउन पेमेंट करण्याचा प्रयत्न करा. तसेच, आपला मासिक ईएमआय आपल्या मासिक पगाराच्या 30 टक्क्यांपेक्षा जास्त ठेवू नका. गृहकर्जाचा कालावधी जास्त काळ ठेवू नका, यामुळे तुम्हाला अधिक व्याज द्यावे लागू शकते. हा कालावधी 20 वर्षांपेक्षा जास्त नसावा.

(डिस्क्लेमर: या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)