1 एप्रिलपासून बँकांसाठी नवा नियम, कर्मचाऱ्यांसाठी महत्त्वाची सूचना

नवी दिल्लीः योग्य व्यावसायिक निर्णय घेणाऱ्या बँकर्सना संरक्षण देण्याच्या उद्देशाने वित्त मंत्रालयाने 50 कोटी रुपयांपर्यंतच्या नॉन-परफॉर्मिंग अॅसेट (NPA) असलेल्या खात्यांसाठी एकसमान कर्मचारी उत्तरदायित्व नियम जारी केलेत. पुढील आर्थिक वर्षापासून एनपीए झालेल्या खात्यांसाठी ही मार्गदर्शक तत्त्वे 1 एप्रिल 2022 पासून लागू केली जातील.

सार्वजनिक क्षेत्रातील बँकांना (PSBs) NPA खाती असल्याचे सूचित

इंडियन बँक्स असोसिएशन (IBA) ने एका निवेदनात म्हटले आहे की, वित्त मंत्रालयाच्या वित्तीय सेवा विभागाने (DFS) 29 ऑक्टोबर रोजी दिलेल्या आदेशात सर्व सार्वजनिक क्षेत्रातील बँकांना (PSBs) NPA खाती असल्याचे सूचित केले आहे.

बँक कर्मचाऱ्यांची जबाबदारी निश्चित

त्यात म्हटले आहे की, बँकांना या सर्वसमावेशक मार्गदर्शक तत्त्वांच्या आधारे त्यांच्या कर्मचारी उत्तरदायित्व धोरणांमध्ये सुधारणा करण्याचा आणि संबंधित मंडळाच्या मान्यतेने कार्यपद्धती तयार करण्याचा सल्ला देण्यात आलाय. या मार्गदर्शक तत्त्वांमुळे बँकांना त्यांच्या वास्तविक व्यावसायिक निर्णयामध्ये चूक होण्याची भीती दूर करण्यात मदत होईल. यामुळे बँकांना जलद पत निर्णय घेण्यास मदत होईल आणि अर्थव्यवस्थेला मदत होईल.

काम 6 महिन्यांत करावे लागणार

आयबीएने पुढे सांगितले की, बँकांना खात्याचे एनपीए म्हणून वर्गीकरण केल्यापासून सहा महिन्यांच्या आत कर्मचाऱ्यांच्या उत्तरदायित्वाचे काम पूर्ण करावे लागेल. बँकांच्या व्यवसायाच्या आकारावर अवलंबून उत्तरदायित्व तपासण्यासाठी एक उंबरठा मर्यादा मुख्य दक्षता अधिकारी (CVO) द्वारे सूचित करण्यात आली. आयबीएने निवेदनात म्हटले आहे की, मूल्यमापन किंवा मंजुरी/निरीक्षण करताना अधिकाऱ्यांच्या मागील ट्रॅक रेकॉर्डलाही योग्य महत्त्व दिले जाईल. सध्या विविध बँका कर्मचारी उत्तरदायित्व कार्य करण्यासाठी वेगवेगळ्या प्रक्रियांचा अवलंब करत आहेत. यासोबतच सर्व खाती एनपीए झाल्याबाबत कर्मचाऱ्यांची जबाबदारी निश्चित केली जात आहे.

संबंधित बातम्या

ऑक्टोबर 2021 मध्ये GST संकलन पुन्हा 1.3 लाख कोटींच्या पुढे, 24 टक्क्यांनी वाढ

मोठी बातमी ! देशात उघडली आणखी एक नवी बँक, अधिक व्याजासह ‘या’ सुविधा घरबसल्या मिळणार

New rules for banks from April 1 important notice for employees