Penny Stock : या छोटूरामची हनुमान उडी; एकाच वर्षात 1 लाखांचे केले 70 लाख, तुम्ही गुंतवणूक केली का?
Share Market : शेअर बाजारात आता कुठं तरतरी जाणवू लागली आहे. सणावाराचे दिवस आहेत. जीएसटी कपातीची घोषणा झाली आहे. टॅरिफ वॉर कमी होण्याची शक्यता आहे. पण या स्टॉकने त्यापूर्वीच कमाल कामगिरी करून दाखवली आहे.
पेनी स्टॉक म्हणून यापूर्वी ओळख असणाऱ्या या शेअरने आता कमाल दाखवली आहे. एलीटकॉन इंटरनॅशनलने (elitecon international) एका वर्षात छप्परफाड परतावा दिला आहे. कंपनीच्या शेअरने एका वर्षात गुंतवणूकदारांना मालामाल केले. एलीटकॉन इंटरनॅशनलचा शेअर गुरुवारी BSE वर 5 टक्क्यांनी उसळला. हा शेअर 177 रुपयांवर पोहचला. कंपनीचा शेअर एका वर्षात 6900 टक्क्यांहून अधिकने वधारला. या कंपनीने एका वर्षात 1 लाख रुपये गुंतवणुकीवर 70 लाखांहून अधिकचा परतावा दिला आहे. एलिटकॉन इंटरनॅशनल, सिगारेट आणि टोबॅको उत्पादन इंडस्ट्रीशी संबंधित कंपनी आहे.
1 लाखांचे असे झाले 70 लाख
Elitecon International कंपनीचा शेअर 18 सप्टेंबर 2024 रोजी 2.51 रुपयांवर होता. कंपनीचे शेअर 18 सप्टेंबर 2025 रोजी 177 रुपयांवर पोहचले. या शेअरने एका वर्षात शेअरधारकांना 6951 टक्क्यांचा जोरदार परतावा दिला. जर एखाद्या गुंतवणूकदाराने 18 सप्टेंबर 2024 रोजी या कंपनीत 1 लाख रुपये गुंतवले असते आणि ही गुंतवणूक कायम ठेवली असती तर त्याच्या गुंतवणूकीचे मूल्य आज 70.51 लाख रुपये इतकी असती.
यंदा 1600 टक्क्यांपर्यंत उसळी
एलिटकॉन इंटरनॅशनलच्या शेअरने यंदा आतापर्यंत 1606 टक्क्यांहून अधिकचा परतावा दिला आहे. कंपनीचे शेअर या वर्षाच्या सुरुवातीला 1 जानेवारी 2025 रोजी 10.37 रुपयांवर होते. कंपनीचा शेअर 18 सप्टेंबर 2025 रोजी 177 रुपयांवर पोहचला. गेल्या 6 महिन्यात या कंपनीच्या शेअरमध्ये 540 टक्क्यांची मोठी रॅली दिसून आली. कंपनीचा शेअर या कालावधीत 27.66 रुपयांहून थेट 177 रुपयांवर पोहचला. गेल्या एका महिन्यात या शेअरमध्ये 46 टक्क्यांहून अधिकची घसरण पण दिसून आली.
या कंपनीने शेअर स्प्लिट पण केले आहेत. कंपनीने शेअर 10 तुकड्यांमध्ये विभाजीत केला. मल्टीबॅगर कंपनीने जून 2025 मध्ये 10 रुपयांच्या फेसव्हॅल्यूच्या शेअरला 1-1 रुपयांच्या फेस व्हॅल्यूच्या 10 शेअरमध्ये विभाजीत केले. या कंपनीत प्रमोटर्सचा वाटा 59.70 टक्के इतका आहे. तर पब्लिक शेअरहोल्डिंग 40.50 टक्के इतकी आहे. एलिटकॉन इंटरनॅशनल, सिगारेट आणि टोबॅको उत्पादन इंडस्ट्रीशी संबंधित कंपनी आहे. कंपनीने गुंतवणूकदारांना एका वर्षात जबरदस्त परतावा दिला आहे.
डिस्क्लेमर : हा शेअरचा केवळ लेखाजोखा आहे. हा गुंतवणुकीचा सल्ला नाही. गुंतवणूक करण्यापूर्वी तुमच्या तज्ज्ञाचा सल्ला जरूर घ्या.
