Petrol-Diesel Price: सरकारी कंपन्यांनी महागाईचा गिअर टाकला? 1 लिटर पेट्रोल-डिझेलचा आजचा भाव काय?

Petrol Diesel Prices Today : नायरा या कंपनीने दोन दिवसांपूर्वी पेट्रोल आणि डिझेलच्या दरात लक्षणीय वाढ केली. त्यानंतर सरकारी तेल विपणन कंपन्या सुद्धा महागाईचा गिअर टाकू शकतात अशी भीती नागरिकांमध्ये आहे. जागतिक बाजारात इंधनाचे दर हिंदोळ्यावर आहे. गेल्या आठवड्यात किंमतीत चढउतार सुरू आहे. सर्वात दिलासादायक बाब म्हणजे सौदी अरब, संयुक्त अरब अमिरात यांचा जागतिक बाजारातील पुरवठा सुरळीत झाला आहे. तेलाची आवक वाढली आहे. काय आहे आजचा पेट्रोल आणि डिझेलचा भाव?

जागतिक बाजारातून आनंदवार्ता

जागतिक बाजारातून एक अत्यंत महत्त्वाची आणि दिलासादायक बातमी समोर येत आहे. आज 6 ऑक्टोबर रोजी आकडेवारीनुसार, कच्चा तेलाच्या किंमतीत प्रति बॅरलमागे 2 डॉलरची मोठी घसरण झाली. Emirates News Agency barchart या अधिकृत बाजारातील अहवालानुसार, मध्य-पूर्वेतील भागातून कच्चा तेलाच्या निर्यातीत अचानक वाढ झाल्याचा परिणाम बाजारात दिसला. आवक वाढल्याने कच्चा तेलाच्या किंमतीत घसरण दिसली.

कच्चा तेलाचे आजचे दर

सोमवी झालेल्या व्यवहारांनुसार, जागातिक बाजारातील कच्चा तेलाच्या आकडेवारीनुसार,

ब्रेंट क्रूड फ्युचर्सचा भाव : 1.93 डॉलरची घसरून होऊन 100.32 डॉलर प्रति बॅरलचा भाव

अमेरिका वेस्ट टेक्सॉस इंटरमीडिएट (WTI Crude): 1.68 डॉलरची घसरण, हा भाव 89.43 डॉलर प्रति बॅरलवर पोहचला.

देशातील प्रमुख महानगरातील आजचे इंधन दर काय?

goodreturns या संकेतस्थळानुसार, सरकारी तेल कंपन्यांआधारे दरफलक जाहीर केला आहे. देशातील प्रमुख महानगरांमधील पेट्रोल आणि डिझेलच्या भावात सध्या कोणतीही तफावत आढळलेली नाही.

मुंबई : देशाच्या आर्थिक राजधानीत पेट्रोलचा भाव 111.21 रुपये तर डिझेलची किंमत 97.83 रुपये इतकी आहे.

दिल्ली: देशाची राजधानी दिल्लीत पेट्रोलचा दर 102.12 रुपये तर डिझेलचा भाव 95.20 रुपये असा आहे.

चेन्नई: दक्षिणेतील मोठे शहर चेन्नईत पेट्रोलचा भाव 107.76 रुपये तर डिझेलची किंमत 99.55 रुपये अशी आहे

कोलकत्ता: पेट्रोलची किंमत 113.51 रूपये तर डिझेलची किंमत 99.82 रुपये आहे.

महाराष्ट्रातील प्रमुख शहरातील भाव

पुणे : पेट्रोलचा भाव 111.90 रुपये, तर डिझेलचा भाव 98.48 रुपये

नागपूर: पेट्रोलचा दर 111.15 रुपये, तर डिझेलचा दर 97.68 रुपये

छत्रपती संभाजीनगर: पेट्रोलचा भाव112.30 रुपये आणि डिझेलचा भाव 98.72 रुपये

नाशिक : पेट्रोलचा भाव 111.50 रुपये, तर डिझेलची किंमत 98.10 रुपये

किंमती एका SMS वर

पेट्रोल-डिझेलचे रोजचे दर तुम्ही एसएमएसद्वारे जाणून घेऊ शकता.

इंडियन ऑईलच्या ग्राहकांनी RSP असे लिहून 9224992249 या क्रमांक आजचे नवीन दर कळतील.

इंधनाचे दर जाणून घेण्यासाठी ग्राहकांना पंपावर जायची गरज नाही.

बीपीसीएलच्या ग्राहकांनाही घरबसल्या त्याच्या मोबाईलवर भाव कळू शकतात.

त्याने मोबाईल मॅसेजमध्ये RSP लिहून हा मॅसेज 9223112222 या क्रमांकावर पाठवावा.

त्यानंतर कंपनी त्याला एसएमएसद्वारे (SMS) आजचे अपडेट दर कळवेल.