Share Market | गुंतवणूकदारांच्या भाळी लक्ष्मीचा टिळा! Sensex यंदाच 86,000 अंकांच्या घरात

Share Market | नवीन वर्षातील 40 दिवसात BSE चे मार्केट कॅप, गुंतवणूकदारांच्या कमाईत 22 लाख कोटींची वाढ दिसून आली. तर गेल्या वर्षाच्या आकड्यांवर नजर टाकल्यास बीएसई मार्केट कॅप 3,64,28,846.25 कोटी रुपये होते. ते वाढून आता 3,86,36,302.43 कोटी रुपये झाले आहे. यंदाच बीएसई मोठी कमाल करणार असल्याचा अंदाज वर्तविण्यात येत आहे.

KALYAN DESHMUKH | Updated on: Feb 10, 2024 | 9:27 AM

नवी दिल्ली | 10 February 2024 : भारतीय अर्थव्यवस्थेने मोठी मुसंडी मारली आहे. इतर अर्थव्यवस्थांपेक्षा दमदार कामगिरी केली आहे. देशातील शेअर बाजारावर त्याचा अनुकूल परिणाम दिसून येत आहे. बाजारातील शेअर रॉकेटसारखे सूसाट सुटले आहेत. सध्या चीनचा शेअर बाजार मोठ्या दिव्यातून जात आहे. जपानचा शेअर बाजार पण धावत आहे. आता अमेरिकेतील एका अहवालानुसार, भारतीय शेअर बाजार अजून एक मोठा पल्ला गाठणार आहे. या वर्षाच्या अखेरीस भारतीय शेअर बाजार 86 हजार अंकांचा टप्पा ओलांडणार असा दावा करण्यात येत आहे. सध्या सेन्सेक्स 71,595 अंकावर आहे. बीएसई निर्देशांक 15 हजार अंकांची झेप घेण्याचा अंदाज वर्तविण्यात आला आहे.

प्रत्येक मिनिटाला 18 कोटींची कमाई

पुढील 300 दिवसांत शेअर बाजारातील जवळपास 16 कोटी गुंतवणूकदारांना प्रत्येक मिनिटाला जवळपास 18 कोटी रुपयांची कमाई होईल, असा दावा करण्यात येत आहे. मॉर्गन स्टेनलीचे जोनाथन गार्नर यांनी हा दावा केला आहे. वार्षिक आधारावर बीएसई मार्केट कॅपमध्ये जवळपास 100 लाख कोटी रुपयांची वाढ दिसून आली. गेल्या 40 दिवसांमध्ये सर्वसामान्य गुंतवणूकदारांना 22 लाख कोटी रुपयांचा फायदा दिसून आला आहे.

हे सुद्धा वाचा

वर्षाच्या अखेरीस 86000 अंकांचा गाठणार टप्पा

भारतीय अर्थव्यवस्था वेगाने धावत आहे. आर्थिक दरवाढीने उत्साह संचारला आहे. कंपन्यांचे तिमाही निकालाचे आकडे पण दिलासादायक आहेत. या कंपन्या देशाच्या विकासात मोठी भर घालत आहेत. खासगीच नाही तर सरकारी कंपन्या पण तेजीत आहेत. त्याचा अनुकूल परिणाम शेअर बाजारावर दिसून येत आहे. बॉम्बे स्टॉक एक्सचेंजचा मुख्य निर्देशांक सेन्सेक्स 86 हजार अंकांचा टप्पा गाठणार अथवा त्यापुढे धाव घेण्याचा दावा मॉर्गन स्टेनलीने केला आहे. पुढील 300 दिवसांत सेन्सेक्समध्ये 20 टक्क्यांची वाढ दिसून आली. गेल्या 40 दिवसांत सेन्सेक्समध्ये 0.90 टक्क्यांची घसरण दिसून आली.

पुढील 300 दिवसांची स्थिती