Tata Bisleri : बिसलेरी खरेदीला ‘टाटा’! आता कंपनीची कमान जयंती चौहानच्या हाती?
Tata Bisleri : बिसलेरी आणि टाटा कंझ्युमर यांच्यातील खरेदी कराराला अखेर पूर्णविराम मिळाला. कंपनी खरेदी करण्याची चर्चा विस्कटली. त्यामुळे आता जंयती चौहान या कंपनीची कमान संभाळणार का, अशी चर्चा रंगली आहे.
नवी दिल्ली : टाटा समूहाची FMCG युनिट टाटा कंझ्युमर प्रोडक्ट्सने शुक्रवारी बिसलेरी अधिग्रहणाच्या चर्चाला पूर्णविराम दिला. त्यामुळे बिसलेरी (Bisleri) खरेदी करण्याची चर्चा बंद झाली. टाटा कंझ्युमर प्रोडक्ट्स बाटलीबंद पाणी विक्री करणारी कंपनी बिसलेरी खरेदी करण्यासाठी उत्सुक होती. यासंबंधीच्या चर्चेच्या फेऱ्या झाल्या. अंतिम टप्प्यात चर्चा फिस्कटली. त्यानंतर आता कोणता समूह बिसलेरी खरेदीसाठी समोर येतो, या चर्चा रंगल्या. पण नवीन माहितीनुसार, बिसलेरीचे मालक रमेश चौहान (Ramesh Chauhan) यांनी अजून याविषयीची अधिकृत माहिती जाहीर केलेली नाही. त्यामुळे त्यांची एकलुती एक मुलगी जयंती चौहान (Jayanti Chauhan) आता हा कारभार सांभाळणार असल्याचे सांगण्यात येत आहे.
मीडिया रिपोर्टनुसार, बिसलेरीच्या प्रमोटर्सला या करारातून एक अब्ज डॉलर मिळण्याची अपेक्षा होती. विशेष म्हणजे दोन्ही कंपन्यांमध्ये मूल्यांकन करण्याविषयी सहमती झाली नाही. सूत्रांच्या म्हणण्यानुसार, हा मुद्दा दोन्ही कंपन्या आपसी सामंजस्याने मिटवू शकतात. दोन्ही कंपन्यांमध्ये पुन्हा चर्चा होऊ शकते. बिसलेरी खरेदीसाठी इतर कंपन्याही पुढे येऊ शकतात. टाटा आणि बिसलेरीने या विषयी कोणतीही प्रतिक्रिया दिलेली नाही.
बिसलेरी हा ब्रँड जयंतीलाल चौहान (Jayantilal Chauhan) यांच्या मालकीचा आहे. त्यांनी 1984 साली सीलबंद पाण्याचा हा व्यवसाय सुरु केला होता. सध्याचे संचालक रमेश जे चौहान यांचे वय 82 वर्ष आहे. गेल्यावर्षी नोव्हेंबर महिन्यात त्यांनी बिसलेरीचा व्याप सांभाळण्यासाठी कोणीच नसल्याचे सांगत हा ब्रँड विक्री करण्याचे ठरवले होते.
टाटाची संस्कृती आणि मूल्य हे आपल्याला मनापासून आवडतात. त्यामुळे टाटा समूहाने हा ब्रँड खरेदी करावा, असे त्यांना वाटत असल्याची भावनिक प्रतिक्रिया चौहान यांनी दिली होती. टाटा समूह बिसलेरीचा आणखी विस्तार करतील. नवीन व्यावसायिक संधी शोधतील असा विश्वास त्यांनी व्यक्त केला. बिसलेरी विक्रीचा निर्णय जड अंतकरणाने घेत असल्याचे त्यांनी सांगतिले होते.
बाटलीबंद मिनरल वॉटर मार्केटमध्ये बिसलेरीचा दबदबा आहे. बिसलेरीचा भारतीय बाजारात 60 टक्के वाटा आहे. बिसलेरीच्या संकेतस्थळानुसार, जयंतीलाल चौहान यांनी 1949 मध्ये सॉफ्ट ड्रिंक्स तयार करणारी पारले समूहाची स्थापना केली होती. त्यांनी 1969 मध्ये इटलीतील एका उद्योजकाकडून बिसलेरी खरेदी केली होती. सध्या कंपनी हँड सॅनिटायझरही तयार करत आहे.
जयंती चौहान या सध्या बिसलेरीच्या उपाध्यक्ष आहेत. गेल्या काही महिन्यांपासून त्या सक्रिय झाल्या आहेत. त्यांनी आयपीएलमध्ये पण बिसलेरीला प्रमोट केले. त्यांनी ग्राहकांना मोबाईल एपच्या माध्यमातून ग्राहकांना बाटलीबंद पाणी ऑर्डर करण्याची सुविधा उपलब्ध करुन दिली आहे. तर काही ग्राहकांना आता थेट घरापर्यंत सुविधा देण्यात येत आहे. मुंबई इंडियन्स आणि गुजरात टाईटन्ससोबत त्यांनी आयपीएलमध्ये भागादीरी घेतली आहे. जयंती चौहान सातत्याने कंपनीच्या विस्तारारासाठी प्रयत्न करत असल्याचे दिसून येते.
बिसलेरीच्या संकेतस्थळानुसार, जयंतीलाल चौहान यांनी 1949 मध्ये सॉफ्ट ड्रिंक्स तयार करणारी पारले समूहाची स्थापना केली होती. त्यांनी 1969 मध्ये इटलीतील एका उद्योजकाकडून बिसलेरी खरेदी केली होती. सध्या कंपनी हँड सॅनिटायझरही तयार करत आहे. Bisleriचे 128 हून अधिक ऑपरेशनल प्लॅँट आहेत. कंपनीचे 6000 अधिक वितरक आणि 7500 हून अधिक ट्रकसोबत नेटवर्क आहे. इतर देशातही व्यवसायाचा पसारा पसरला आहे.
