Today Petrol, Diesel Rates : पेट्रोलियम कंपन्यांकडून इंधनाचे नवे दर जारी; जाणून घ्या आपल्या शहरातील भाव

नवी दिल्ली : पेट्रोलियम कंपन्यांकडून इंधनाचे नवे दर जारी करण्यात आले आहेत. नव्या दरानुसार आज देखील पेट्रोल, डिझेलच्या दरात (Petrol, Diesel Rates) कोणताही बदल करण्यात आलेला नाही. गेल्या 71 दिवसांपासून राज्यात पेट्रोल (Petrol), डिझेलचे (Diesel) दर स्थिर आहेत. गेल्या 21 मे रोजी केंद्र सरकारने पेट्रोल, डिझेलवरील एक्साईज ड्यूटी कमी करण्याची घोषणा केली होती. त्यामुळे 22 मे रोजी पेट्रोलचे दर प्रति लिटर मागे साडेनऊ रुपयांनी तर डिझेलचे दर प्रति लिटर सहा रुपयांनी कमी झाले. तेव्हापासून देशात पेट्रोल, डिझेलचे दर स्थिर आहेत. दुसरीकडे राज्यात नवे सरकार येताच मुख्यमंत्री एकनाथ शिंदे यांनी पेट्रोल, डिझेलवरील व्हॅट कमी करण्याचा निर्णय घेतला. त्यामुळे काही प्रमाणात दिलासा मिळाला मात्र अद्यापही इतर राज्याच्या तुलनेत महाराष्ट्रात पेट्रोल, डिझेलचे दर हे अधिक आहेत. गेल्या काही दिवसांपासून कच्च्या तेलाच्या दरात घसरण सुरू असल्याचे पहायला मिळत आहे. जाणून घेऊयात राज्याच्या प्रमुख शहरातील इंधनाचे भाव

प्रमुख महानगरातील भाव

पेट्रोलियम कंपन्यांनी जाहीर केलेल्या नव्या दरानुसार आज राजधानी दिल्लीमध्ये पेट्रोलचा भाव प्रति लिटर 96.72 रुपये एवढा असून, डिझेलचा दर प्रति लिटर 89.62 रुपये आहे. मुंबईमध्ये पेट्रोलचा दर प्रति लिटर 106.35 तर डिझेलचा दर प्रति लिटर 94.28 रुपये इतका आहे. कोलकातामध्ये पेट्रोल, डिझेलचा दर अनुक्रमे 106.03 आणि 92.76 रुपये एवढा आहे. चेन्नईमध्ये पेट्रोलचा दर प्रति लिटर 102.63 तर डिझेलचा दर प्रति लिटर 94.24 रुपये इतका आहे. प्रमुख महानगरातील पेट्रोल, डिझेलच्या भावाची तुलना करायची झाल्यास सर्वात स्वस्त पेट्रोल, डिझेल हे दिल्लीमध्ये तर सर्वात महाग पेट्रोल, डिझेल हे मुंबईमध्ये आहे.

हे सुद्धा वाचा

Gujarat Pipavav Share | हा शेअर सध्या 100 पेक्षा कमी किंमतीत, लवकरच घेईल भरारी, फायद्याचे हे गणित समजून घेतले का?

Bharat Electronics | गुंतवणूकदार मालामाल, ही सरकारी कंपनी देत आहे 1 वर 2 बोनस शेअर

Gold At Home | काय आहे सोन्याचे माप? नाहीतर ईडी आवळेल कारवाईचा फास! इतकेच सोने ठेवता येते घरात, माहिती आहे काय?

राज्याच्या प्रमुख शहरातील भाव

दररोज सकाळी जारी केले जातात इंधनदर

पेट्रोलियम कंपन्यांकडून दररोज सकाळी पेट्रोल, डिझेलच्या किमती जारी करण्यात येतात. पेट्रोल, डिझेलचे दर हे कच्च्या तेलाच्या भावावर अवलंबून असतात. जर जागतिक बाजारात कच्च्या तेलाचे दर वाढले तर पेट्रोल, डिझेलचे दर देखील वाढतात. त्यामुळे इंधनाचे दर दररोज जारी करण्यात येतात. मात्र सध्या गेल्या दोन महिन्यांपासून देशात पेट्रोल, डिझेलचे भाव स्थिर आहेत.