नोकरी बदलण्याआधी ‘हे’ Income Tax नियम वाचा… नाहीतर भरावा लागू शकतो दंड
नोकरी बदलणं हे करिअरसाठी फायदेशीर ठरतं, पण प्राप्तिकर नियमांचं पालन न केल्यास अडचणी येऊ शकतात. विशेषतः मध्यमवर्गीय कर्मचाऱ्यांना ITR भरण्याच्या बारीकसारीक गोष्टी माहिती नसतात. तसंच, तरुण कर्मचाऱ्यांना नोकरी बदलताना कर नियमांचं पालन करणं गरजेच आहे.
आजकाल करिअर वाढ आणि जास्त पगारासाठी नोकरी बदलणं सामान्य झालं आहे. एका आर्थिक वर्षात नोकरी बदलल्याने नव्या संधी मिळतात. पण प्राप्तिकर विवरणपत्र (ITR) भरण्यापूर्वी काही गोष्टींची काळजी घ्यावी लागते. जर तुम्ही यंदा नोकरी बदलत असाल किंवा बदलण्याचा विचार करत असाल, तर प्राप्तिकराशी संबंधित या 5 महत्त्वाच्या गोष्टी समजून घेणे आवश्यक आहे. यामुळे नंतर कोणतीही अडचण येणार नाही.
1. प्रत्येक कंपनीकडून फॉर्म 16 घ्या
एका आर्थिक वर्षात तुम्ही एकापेक्षा जास्त कंपन्यांत काम केलं, तर प्रत्येक कंपनीकडून फॉर्म 16 घेणं आवश्यक आहे. फॉर्म 16 मध्ये तुमचा पगार, कर कपात आणि इतर तपशील असतात. हे ITR भरण्यासाठी उपयोगी ठरतं. फॉर्म 16 च्या भाग A मध्ये स्रोतावर कापलेल्या कराची माहिती असते, तर भाग B मध्ये पगाराचा संपूर्ण तपशील असतो.
2. एकच कपात पुन्हा पुन्हा मागू नका
नोकरी बदलताना काही लोक चुकून EPF, PPF किंवा वैद्यकीय विम्यासारख्या गुंतवणुकीची कपात दोनदा मागतात. यामुळे ITR भरण्यात अडचण येऊ शकते. म्हणून सर्व कपाती एकदाच नीट मोजून मागा.
3. ग्रॅच्युटी आणिलीव एनकैशमेंट कर योग्य पद्धतीने नोंदवा
एका कंपनीत पाच वर्षांपेक्षा जास्त काम केलं आणि नोकरी सोडली, तर तुम्हाला ग्रॅच्युटी मिळू शकते. 20 लाख रुपयांपर्यंतची ग्रॅच्युटी करमुक्त आहे. लीव्ह एनकॅशमेंटदेखील कर नियम लागू होतात. ITR भरण्यापूर्वी या उत्पन्नाची योग्य नोंद करणं गरजेचं आहे.
4. फॉर्म 26AS नीट तपासा
फॉर्म 26AS मध्ये तुमच्या पगारातून कापलेल्या TDS (स्रोतावरील कर) चा पूर्ण तपशील असतो. यातून किती कर आधीच कापला गेला, हे कळतं. ITR भरण्यापूर्वी हा फॉर्म तपासा. यामुळे कर सवलत मागताना चूक होणार नाही.
5. जुन्या आणि नव्या पगाराची योग्य नोंद करा
काही लोक नव्या नोकरीचा पगार नोंदवतात, पण जुन्या नोकरीचं उत्पन्न विसरतात. यामुळे प्राप्तिकर विभागाला तुमच्या उत्पन्नात गडबड दिसू शकते. यातून नोटीस येऊ शकते. म्हणून जुन्या आणि नव्या नोकरीच्या पगाराची एकत्रित नोंद करा.
ही सावधगिरी बाळगा
फॉर्म 16 वेळेत घ्या : नोकरी सोडताना फॉर्म 16 मागायला विसरू नका.
कपातींची पडताळणी : गुंतवणुकीच्या कागदपत्रांची एकच वेळी पडत realityताळणी करा.
कर सल्लागार : ITR भरण्यापूर्वी कर सल्लागाराची मदत घ्या, विशेषतः जर तुम्ही एकापेक्षा जास्त कंपन्यांत काम केलं असेल.
