Wellness Forever ने सेबीकडे सार्वजनिक ऑफरसाठी केला अर्ज, अदर पूनावाला कंपनीत गुंतवणूक

नवी दिल्ली : रिटेल फार्मसी चेन Wellness Forever मेडिकेअरने सार्वजनिक ऑफरसाठी अर्ज भांडवली बाजार नियामक सेबीकडे सादर केलाय. सीरम इन्स्टिट्यूट ऑफ इंडियाचे (एसआयआय) सीईओ अदार पूनावाला यांनी गुंतवणूक केलेली कंपनी आयपीओद्वारे 1,600 कोटी रुपये उभारण्याची योजना आखत आहे. वेलनेस फॉरएव्हर ही सेबीकडे ड्राफ्ट रेट हियरिंग प्रॉस्पेक्टस (DRHP) सादर करणारी दुसरी रिटेल फार्मसी चेन आहे. यापूर्वी हैदराबादस्थित मेडप्लसने ऑगस्ट 2021 मध्ये आयपीओसाठी कागदपत्रे सादर केली होती.

400 कोटी नवीन इक्विटी शेअर्स जारी करणार

वेलनेस फॉरएव्हर मेडिकेअरने सांगितले की, ते आयपीओसाठी 400 कोटी रुपयांचे नवीन इक्विटी शेअर्स जारी करतील. तसेच IPO मध्ये 1.6 कोटी रुपयांची ऑफर फॉर सेल (OFS) असेल. आयपीओमधून उभारलेल्या निधीपैकी कंपनी नवीन आउटलेट उघडण्यासाठी आणि भांडवली खर्चासाठी 70.20 कोटी रुपये वापरेल. त्याचबरोबर कर्जाची परतफेड करण्यासाठी 100 कोटी रुपये आणि कार्यरत भांडवलाची पूर्तता करण्यासाठी 121.90 कोटी रुपये वापरले जातील.

2021 आर्थिक वर्षात कंपनीचे उत्पन्न वाढले

अदर पूनावाला यांनी गुंतवलेले वेलनेस फॉरएव्हर मेडिकेअर 2008 मध्ये अशरफ बिरान, गुलशन बख्तियानी आणि मोहित चव्हाण यांनी मुंबईत सुरू केले. ही पश्चिम भारतातील अग्रगण्य वेलनेस नेटवर्क साखळी आहे. स्टोअरच्या संख्येच्या बाबतीत ही तिसरी सर्वात मोठी साखळी आहे. आर्थिक वर्ष 2021 मध्ये त्याचे उत्पन्न 924.02 कोटी रुपये होते, जे आर्थिक वर्ष 2020 मध्ये 863.25 कोटी रुपये होते.

कोण किती शेअर्सच्या विक्रीची ऑफर देणार?

वेलनेस फॉरएव्हरचे 23 शहरांमध्ये 234 स्टोअर आहेत. यामध्ये सुमारे 4600 लोक काम करतात. कंपनी सुमारे 67 लाख ग्राहकांना आपल्या सेवा पुरवते. बिरान आणि बख्तियानी आयपीओसाठी त्यांचे 7.2 लाख शेअर्स ऑफर करत आहेत, तर चव्हाण 1.20 लाख शेअर्सच्या विक्रीसाठी ऑफर करत आहेत. याशिवाय इतर भागधारकांकडून 144.85 लाख शेअर्स ऑफर केले जातील.

संबंधित बातम्या

मध्य रेल्वेवर सहा तासांचा मेगाब्लॉक, ‘या’ गाड्या होणार प्रभावित

…तर आता रेल्वे त्यांच्या 94 शाळा बंद करणार, जाणून घ्या योजना काय?

Wellness Forever has applied to SEBI for a public offer, investing in another Poonawala company