कोरोना काळात कंपनीने नोकरीवरुन काढलं, काही दिवसातच महिला 437 कोटींची मालक

कोरोना काळात कंपनीने नोकरीवरुन काढलं, काही दिवसातच महिला 437 कोटींची मालक

कोरोना काळात कंपनीने नोकरीवरुन काढलेल्या महिलेचं नशिब चांगलंच फळफळलं आहे. या महिलेला नोकरीवरुन काढल्यानंतर काही दिवसातच ही महिला कोट्याधीश झाली.

प्रविण शिंदे, टीव्ही 9 मराठी डिजीटल टीम

|

Jan 25, 2021 | 8:31 PM

टोरंटो : कोरोना काळात कंपनीने नोकरीवरुन काढलेल्या महिलेचं नशिब चांगलंच फळफळलं आहे. या महिलेला नोकरीवरुन काढल्यानंतर काही दिवसातच ही महिला कोट्याधीश झाली. ती अचानक खेट तब्बल 437 कोटी रुपयांची मालक झाली. ही घटना घडलीय कॅनडामधील टोरंटो शहरात. या महिलेचं नशिब अचानक उजळलं असलं तरी यामागे तिच्या पतीचा अनेक वर्षांपूर्वीचा संकल्प आहे. हा संकल्प होता आपल्या लॉटरी तिकिटाच्या नंबरविषयीचा (Woman won lottery worth hundreds of crores rupees due to husband dream).

सीएनएन वृत्तवाहिनीने दिलेल्या माहितीनुसार, 57 वर्षीय डेंग प्रवतुडोम यांना 437 कोटी रुपयांची लॉटरी लागली आहे. त्यांच्या पतीला 20 वर्षांपूर्वी एक स्वप्न पडलं होतं. या स्वप्नात त्यांना काही क्रमांक दिसले. याच क्रमांकांमुळे डेंग यांना ही बंपर लॉटरी लागलीय. डेंग यांना दोन मुलं आहेत. मागील 20 वर्षांपासून त्या आपल्या पतीच्या स्वप्नातील आकड्यांप्रमाणे लॉटरीचं तिकिट विकत घेत होत्या. इतके वर्ष लॉटरी लागली नाही तरीही त्यांनी या आकड्यांचा पिछा काही सोडला नाही आणि आता त्यांना याचं फळ मिळालंय.

कॅनडाच्या ओंटरियो लॉटरी अँड गेमिंगने डेंग यांनी 437 कोटी रुपये जिंकल्याचं जाहीर केलंय. विशेष म्हणजे आपल्याला लॉटरीत इतकी मोठी रक्कम मिळाल्याची माहिती या महिलेला आपल्या पतीकडूनच मिळाली. डेंग म्हणाल्या, “437 कोटी रुपये जिंकल्याची बातमी ऐकून मी खूप आनंदी आहे. मला हे ऐकून अगदी रडूच आलं. सुरुवातीला तर माझा यावर विश्वासच बसला नाही.” डेंग यांना नुकताच एका व्हर्च्युअल कार्यक्रमात आपल्या लॉटरीच्या रकमेचा चेक देण्यात आला. डेंग आता या पैशातून सर्वात आधी स्वतःचं एक घर खरेदी करणार आहेत. त्यानंतर त्यांचं दुसरं स्वप्न आहे या पैशातून जग फिरायचं.

डेंग 40 वर्षांपूर्वी आपल्या 14 भाऊ बहिणींसोबत अमेरिकेतील लाओसमधून कॅनडाला आल्या. त्यानंतर कुटुंबाचं पालन पोषण करण्यासाठी त्यांनी मोठी मेहनत घ्यावी लागली. मात्र, या लॉटरीनं त्यांचं आयुष्यच बदललं आहे.

हेही वाचा :

Trending | रात्री सहज उठला आणि बनला 75 कोटींचा मालक, जाणून घ्या संपूर्ण कहाणी

न विकलेल्या तिकिटाने नशीब फळफळलं, लॉटरी विक्रेताच बारा कोटींचा धनी

कोरोनाकाळात बेरोजगारीची कुऱ्हाड, भारतीय तरुणाला दुबईत सात कोटींची लॉटरी

व्हिडीओ पाहा :

Woman won lottery worth hundreds of crores rupees due to husband dream

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें