FTII Recruitment: FTII मध्ये नोकरीची सुवर्णसंधी, वाचा सविस्तर!

मुंबई: जर तुम्ही सरकारी नोकरीच्या शोधात असाल तर तुमच्याकडे जबरदस्त संधी आहे. FTII मध्ये अनेक पदे रिक्त असून, त्यासाठी भरती प्रक्रिया सुरू आहे. फिल्म अँड टेलिव्हिजन इन्स्टिट्यूट ऑफ इंडियाने भरतीची अधिसूचना जारी केली आहे. यानुसार फिल्म अँड टेलिव्हिजन इन्स्टिट्यूट ऑफ इंडियाने अनेक पदांसाठी पात्र उमेदवारांकडून अर्ज मागवले आहेत. FTII ने ग्रुप बी आणि सी श्रेणीतील 84 पदांसाठी भरती अधिसूचना जारी केली आहे.

FTII मध्ये गट ब आणि गट क प्रवर्गासाठी एकूण 84 पदे भरण्यात येणार आहेत

• FTII ने या भरतीसाठी जारी केलेल्या अधिकृत अधिसूचनेनुसार जे उमेदवार भारतीय नागरिक आहेत तेच या सरकारी भरतीसाठी फॉर्म भरू शकतात. त्याचबरोबर केंद्रीय गृह मंत्रालयाकडून त्यांना पात्र ठरवण्यात येईल.
• FTII मध्ये गट ब आणि क श्रेणीतील पदांच्या भरतीसाठी अपंग प्रवर्गातील उमेदवार अर्ज करू शकत नाहीत. याविषयी सविस्तर माहितीसाठी भरती अधिसूचना पहा.
• FTII भरती 2023 साठी अर्ज प्रक्रिया 29 एप्रिल 2023 पासून सुरू झाली आहे. इच्छुक उमेदवार 29 मे 2023 पर्यंत अर्ज भरू शकतात.
• वय 40 वर्षापेक्षा जास्त नसावे. मात्र ओबीसी, ईडब्ल्यूएस, एससी आणि एसटी अशा राखीव प्रवर्गांना जास्तीत जास्त वयोमर्यादेत सूट देण्यात आली आहे. या संस्थेतील उमेदवारांना 60 व्या वर्षी निवृत्ती देण्यात येणार आहे.
• FTII गट ब आणि क भरतीसाठी निवड प्रक्रियेअंतर्गत उमेदवारांची निवड लेखी परीक्षा आणि कौशल्य चाचणीतील कामगिरीच्या आधारे केली जाईल.