CBI Recruitment: अशी होते सीबीआयमध्ये थेट भरती; जाणून घ्या पात्रता, निवड प्रक्रिया आणि पगार

नवी दिल्ली : केंद्रीय अन्वेषण ब्युरो अर्थात सीबीआयमध्ये सरकारी नोकरी मिळण्याचे स्वप्न जवळजवळ सर्वच तरुणांमध्ये असते. सीबीआयचे अधिकारी म्हणून काम करण्यासाठी आणि करिअर करण्यासाठी लाखो तरुण दरवर्षी स्पर्धात्मक परीक्षाही देतात. सीबीआयमध्ये सहसा पदोन्नती किंवा प्रतिनियुक्ती तत्त्वावर काम करण्याची संधी मिळते, परंतु देशातील या प्रमुख तपास यंत्रणेत थेट भरतीद्वारे नोकरी मिळण्याची संधीही दिली जाते. सीबीआयमध्ये थेट भरती प्रक्रियेद्वारे विहित पात्रतेचे निकष पूर्ण करणारे उमेदवारही सीबीआयमध्ये सरकारी नोकरी मिळवू शकतात. (know the direct recruitment in the CBI; eligibility, selection process and salary)

सीबीआयमध्ये थेट भरतीचे पर्याय

सेंट्रल ब्युरो ऑफ इन्व्हेस्टिगेशनमध्ये थेट भरतीचा सर्वात प्रमुख पर्याय म्हणजे उपनिरीक्षक म्हणून भरती. भारत सरकारच्या कार्मिक, सार्वजनिक तक्रारी व पेन्शन मंत्रालयांतर्गत सीबीआयमध्ये उपनिरीक्षकांच्या पदांवर भरती ही कर्मचारी निवड आयोगा (एसएससी) ने घेतलेल्या संयुक्त स्नातक स्तरावरील (सीजीएल) परीक्षेतून केली जाते. एसएससी दरवर्षी सीजीएल परीक्षा घेते. सीजीएल परीक्षेच्या माध्यमातून केंद्र सरकारच्या मंत्रालये आणि विभागांमध्ये गट ब आणि गट सीच्या पदांवर नियुक्तीसाठी उमेदवारांची निवड केली जाते. या पदांपैकी गट ब पातळीची श्रेणी देखील सीबीआयमधील उपनिरीक्षकाच्या पदांपैकी एक आहे.

सीबीआयमध्ये उपनिरीक्षकाच्या थेट भरतीसाठी पात्रता

सीबीआयमध्ये उपनिरीक्षकाच्या थेट भरतीसाठी घेण्यात येणाऱ्या एसएससी सीजीएल परीक्षेत मान्यताप्राप्त विद्यापीठातून कोणत्याही विषयात बॅचलर डिग्री उत्तीर्ण झालेल्या उमेदवारच सहभागी होऊ शकतात. तसेच, परीक्षेच्या वर्षातील उमेदवारांची वय कट ऑफ तारखेपेक्षा 30 वर्षांपेक्षा जास्त नसावी. आरक्षित वर्गातील उमेदवारांना जास्तीत जास्त वयोमर्यादेमध्ये सवलत देण्यात आली आहे, जी ओबीसीसाठी 3 वर्षे, एससी एसटीसाठी 5 वर्षे, भिन्न-अपंग लोकांसाठी 10 वर्षे आहेत.

सीबीआयमध्ये थेट उपनिरीक्षक भरतीसाठी निवड प्रक्रिया

सीबीआयमध्ये उपनिरीक्षकाच्या थेट भरतीसाठी सीजीएल परीक्षेत टायर 1, टियर 2, टियर 3 आणि टियर 4 असे चार टप्पे असतात. पहिल्या टप्प्यातील टियर 1 आणि टियर 2 च्या परीक्षांमध्ये जनरल इंटेलिजन्स अँड रिझनिंग, सामान्य माहिती, क्वांटिटेटिव्ह अॅप्टीट्युड, इंग्रजी, सांख्यिकी इत्यादी विषयांकडून प्रश्न विचारले जातात. या टप्प्यातील यशस्वी उमेदवारांना टायर 3 लेखी परीक्षेत सहभागी व्हावे लागते, ज्यामध्ये उमेदवारांना तपशीलवार प्रश्न सोडवावे लागतात. यानंतरचा शेवटचा टप्पा म्हणजे टायर 4 संगणक प्रविणता चाचणी / डेटा एंट्री स्किल टेस्ट. सीजीएल परीक्षेच्या विविध टप्प्यांसाठी अनुसूचित अभ्यासक्रमाची माहिती अधिसूचनेवरुन मिळू शकते. त्याचबरोबर सर्व टप्प्यात यशस्वी घोषित झालेल्या उमेदवारांची यादी आयोगाकडून संबंधित विभागांना नियुक्तीसाठी पाठविली जाते.

सीबीआयमध्ये उपनिरीक्षकाचा पगार किती?

सीबीआयमधील उपनिरीक्षकांची नियुक्ती गट ब स्तरावर केली जाते, ज्यावर काम करीत सातव्या वेतन आयोगाच्या पे-मॅट्रिक्स लेव्हल 7 (44,900 ते 1,42,400 रुपये) नुसार दरमहा पगार दिला जातो. याशिवाय इतर अनेक मासिक भत्ते व सुविधादेखील देण्यात आल्या आहेत. (know the direct recruitment in the CBI; eligibility, selection process and salary)

IAF Pilot Recruitment: हवाई दलात पायलट बनायचे आहे, जाणून घ्या पदवीधर आणि 12 वी पास उमेदवारांना कसा मिळेल प्रवेशhttps://t.co/wKli7vXOod#IAF |#Recruitment |#know |#entry |#fighterOfficer

— TV9 Marathi (@TV9Marathi) March 5, 2021

इतर बातम्या

अभिमानास्पद! दीक्षा अ‌ॅपच्या वापरात महाराष्ट्र टॉपवर, शिक्षणमंत्र्यांचं खास ट्विट

मला काहीच माहीत नाही, सचिन वाझेंची पहिली प्रतिक्रिया; फडणवीसांचे आरोपही फेटाळले