Sarkari Vacancy 2023 : अनेक राज्यांत नोकरासीठी व्हेकन्सी, घरबसल्या ‘असा’ करू शकता अर्ज

Sarkari Naukri 2023 : सर्व राज्यातील बोर्डाच्या बरीक्षेचे निकाल जाहीर झाले आहेत. बहुतांश विद्यार्थी 12 वी पास झाल्यानंतर स्पर्धा परीक्षांसाठी तयारी करू लागतात. अशा वेळी सरकारी (government jobs) नोकरीसाठी तयारी करणाऱ्या व अशी नोकरी शोधणाऱ्या उमेदवारासांठी एका चांगली बातमी  आली आहे. उत्तर प्रदेश, बिहार यासह अनेक राज्यांमध्ये आणि विभागांमध्येही सध्या विविध पदासांठी नोकऱ्या उपलब्ध झाल्या आहेत. कुठे व कोणत्या विभागात भरती सुरू आहे, ते आपण जाणून घेऊया.

पोलिस कॉन्स्टेबल, आरोग्य कर्मचारी तसेच शिक्षक यासह अनेक पदासांठी सध्या नोकऱ्या उपलब्ध आहेत. या भरतीसाठी अर्ज कसा करावा,पात्रतेचे निकष काय आहेत, यासंदर्भातील आवश्यक की सर्व माहिती समजून घेऊया.

आरोग्य कर्मचारी भरती 2023

राजस्थान सरकारच्या वतीने आरोग्य कर्मचाऱ्यांच्या पदासाठी भरती सुरू आहे. या अंतर्गत लॅब टेक्निशियनच्या 2,007 आणि सहाय्यक रेडिओग्राफरच्या 1,067 रिक्त जागा भरण्यात येणार आहेत. या पदांसाठी अर्ज करणारा उमेदवार हा 12वी पास असणे व त्याच्याकडे संबंधित विषयातील डिप्लोमा असणे आवश्यक आहे. 30 जून ही या पदासाठी अर्ज करण्याची शेवटची तारीख आहे.

पोलिस कॉन्स्टेबल भरती 2023

पोलिसांत कॉन्स्टेबल अथवा हवालदार पदाच्या 21391 जागा रिक्त असून त्यासाठी अर्ज मागवण्याची प्रक्रिया सुरू आहे. इंटरमीडिएट पास झालेले युवक या पदासाठी अर्ज करू शकतात. बिहार पोलिसांतर्फे ही भरती केली जात आहे. csbc.bih.nic.in या अधिकृत वेबसाईटवर 20 जुलैपर्यंत उमेदवार ऑनलाइन पद्धतीने अर्ज दाखल करू शकतात.

यूपी पोलीस भरती 2023

उत्तर प्रदेशमध्ये यूपी कॉन्स्टेबल किंवा हवालदार पदासाठी 52 हजारांहून अधिक जागांसाठी भरती होणार आहे. १२ वी पास असलेले युवक या पदांसाठी अर्ज करू शकतात. उत्तर प्रदेश पोलीस भरती आणि पदोन्नती बोर्डातर्फे यासंदर्भातील नोटिफिकेशन लवकरच जारी करण्यात येणार आहे. त्यानंतरच अर्ज प्रक्रिया सुरू होईल, असे समजते.

JSSC Recruitment 2023

झारखंड कर्मचारीनिवड आयोगातर्फे पशुवैद्यकीय अधिकारी तसेच त्यासह एकूण 901 विविध पदांसाठी भरती केली जात आहे. या पदासाठी इच्छुक असलेले उमेदवार jssc.nic.in या अधिकृत वेबसाइटवर 28 जून ते 27जुलै या कालावधीत त्यांचा अर्ज दाखल करू शकतात

या पदासांठी अर्ज करण्याची ज्या उमेदवारांची इच्छा असेल ते या नोकऱ्यांसाठी संबंधित विभागांनी जारी केलेली अधिसूचना तपासू शकतात. विभागांच्या अधिकृत वेबसाइटद्वारे ऑनलाइन पद्धतीने अर्ज सादर करता येतील.