आयफोन घेतला, मात्र द्यायला पैसे नव्हते; मग घडले असे काही, पाहून अंगावर काटा येईल !
या आयफोनचे 72 हजार रुपये विद्यार्थी आरोपीला देणे होता. हे पैसे घेण्यासाठी आरोपी विद्यार्थ्याला शुक्रवारी भेटला. मात्र त्याने पैसे दिलेच नाही. मयत त्याचे पैसेही देत नव्हता आणि आयफोनही परत करत नव्हता.
नवी दिल्ली : आयफोनचे (I-Phone) पैसे न दिल्याच्या रागातून एका बारावीच्या विद्यार्थ्याची गोळ्या झाडून हत्या (Murder by Firing) केल्याची घटना शुक्रवारी दिल्लीतील जामिया परिसरात (Delhi Jaamiya Area) उघडकीस आली आहे. याप्रकरणी पोलिसांनी खालिद नामक 24 तरुणाला अटक केली आहे. आयफोनचे पैसे देत नसल्याने झालेल्या वादातून ही हत्या झाल्याचे पोलिसांनी सांगितले. याप्रकरणी पोलीस कारवाई करत आहेत. दिवसाढवळ्या घडलेल्या या घटनेने परिसरात खळबळ उडाली आहे.
आयफोनचे 72 हजार रुपये देत नव्हता म्हणून हत्या
मयत विद्यार्थ्याने आरोपीकडून आयफोन घेतला होता. या आयफोनचे 72 हजार रुपये विद्यार्थी आरोपीला देणे होता. हे पैसे घेण्यासाठी आरोपी विद्यार्थ्याला शुक्रवारी भेटला. मात्र त्याने पैसे दिलेच नाही. मयत त्याचे पैसेही देत नव्हता आणि आयफोनही परत करत नव्हता.
आधी वादावादी झाली, मग हाणामारी आणि हत्या
यावरुन दोघांमध्ये वादावादी झाली. वादाचे हाणामारी रुपांतर झाले. यादरम्यान संतापलेल्या आरोपीने विद्यार्थ्यावर गोळीबार केला. या घटनेची माहिती मिळताच जामिया नगर पोलीस तात्काळ घटनास्थळी दाखल झाली. पोलिसांनी मुलाला रुग्णालयात दाखल केले. मात्र डॉक्टरांनी त्याला मृत घोषित केले.
आरोपीकडून हत्येची कबुली
याप्रकरणी जामिया नगर पोलीस ठाण्यात हत्येचा गुन्हा दाखल करण्यात आला. पोलिसांनी याप्रकरणाचा कसून तपास करत अखेर आरोपीला ताब्यात घेतले आणि त्याची चौकशी केली असता त्याने हत्येची कबुली दिली. पोलीस आरोपीची अधिक चौकशी करत आहेत.