तलाठी भरती परीक्षेत बनवाबनवी, सीसीटीव्ही तपासात 11 डमी सापडले, अहमदनगरमध्ये गुन्हा
अहमदनगर जिल्ह्यातील 84 तलाठी पदासाठी महापोर्टलमार्फत 2 ते 26 जुलै 2019 दरम्यान ऑनलाइन परीक्षा घेण्यात आली होती (Ahmednagar Talathi Recruitment Exam Dummy )
अहमदनगर : अहमदनगरमधील तलाठी भरती परीक्षेतील 11 डमींवर अखेर कोतवाली पोलीस ठाण्यात गुन्हा दाखल करण्यात आला. दोन वर्षापूर्वी झालेल्या तलाठी भरती परीक्षेला बनावट कागदपत्रांच्या आधारे डमी विद्यार्थी बसले होते. तत्कालीन जिल्हाधिकारी राहुल द्विवेदी यांनी पडताळणी केल्यानंतर उमेदवारांचे कागदपत्रावरील फोटो आणि प्रत्यक्षातील उमेदवार याबाबत संशय आल्याने परीक्षा केंद्रातील सीसीटीव्ही फूटेज तपासण्यात आले. त्यात 11 उमेदवार डमी आढळले. (Ahmednagar Talathi Recruitment Exam Scam Dummy Candidate)
अहमदनगर जिल्ह्यातील 84 तलाठी पदासाठी महापोर्टलमार्फत 2 ते 26 जुलै 2019 दरम्यान ऑनलाइन परीक्षा घेण्यात आली. तर उमेदवारांनी ही परीक्षा आपापल्या जिल्ह्यातून ऑनलाईन दिली. त्यानंतर 23 डिसेंबर 2019 रोजी 125 जणांची प्रारुप यादी प्रशासनाने जाहीर केली.
फोटो आणि प्रत्यक्ष उमेदवारांबाबत संशय
त्या उमेदवारांना 3 ते 7 जानेवारीदरम्यान कागदपत्रांच्या छाननीसाठी नगर जिल्हाधिकारी कार्यालयात बोलावण्यात आले. तत्कालीन जिल्हाधिकारी राहुल द्विवेदी यांनी पडताळणी केल्यानंतर उमेदवारांचे कागदपत्रावरील फोटो आणि प्रत्यक्षातील उमेदवार याबाबत संशय आल्याने परीक्षा केंद्रातील सीसीटीव्ही फूटेज तपासण्यात आले. त्यात 11 तोतया उमेदवार आढळले.
संशय कसा बळावला?
अहमदनगरच्या जिल्हाधिकाऱ्यांना कागदपत्रांमध्ये गडबड झाल्याचा संशय आल्याने त्यांनी चौकशी सुरु केली. समाधानकारक उत्तरे न मिळाल्यावर त्यांनी 236 उमेदवारांचे सीसीटीव्ही फूटेज मागवले. तेही त्यांना महाआयटीकडून पूर्ण मिळाले नाहीत. परीक्षेला बसलेल्या विद्यार्थ्यांच्या सह्या जुळत नाहीत, एका मुलीच्या नावासमोर पुरूष असे लिहिले होते. नंतर तिने ही चूक असल्याचे प्रतिज्ञापत्र सादर केले, यासारख्या बाबी त्यांना आढळल्या. हा घोटाळा मध्य प्रदेशातील बहुचर्चित व्यापमं घोटाळ्याशी साधर्म्य दाखवणारा असल्याचे बोललं जातं.
MPSC पूर्वपरीक्षेची नवी तारीख जाहीर
महाराष्ट्र लोकसेवा आयोगाची पूर्व परीक्षेची (MPSC exam) नवी तारीख आता जाहीर करण्यात आली आहे. त्यानुसार आता ही परीक्षा 14 मार्चऐवजी 21 मार्चला म्हणजे रविवारी होणार आहे. महाराष्ट्र लोकसेवा आयोगाने गुरुवारी 14 मार्च रोजी होणारी परीक्षा रद्द करण्यात आल्याची घोषणा केली होती. MPSC ची परीक्षा पाचव्यांदा पुढे ढकलण्यात आल्यामुळे विद्यार्थी संतप्त झाले होते. त्यामुळे पुण्यासह राज्याच्या विविध भागांमध्ये MPSC चे विद्यार्थी रस्त्यावर उतरले होते.
संबंधित बातम्या :
मोठी बातमी: MPSC परीक्षा 21 मार्चला होणार
आता 12 वी पर्यंतच्या विद्यार्थ्यांना टीईटी शिक्षकांनी शिकवणे बंधनकारक
(Ahmednagar Talathi Recruitment Exam Scam Dummy Candidate)
