Sidhu Moose Wala : सिद्धू मुसेवाला हत्येची खबर तिहार जेलमध्ये पोहोचली, लॉरेन्स बिश्नोईचं फोनवरील रेकॉर्ड बोलणं व्हायरल
मानसा जिल्ह्यातील जवाहरके गावात सिद्धू मुसेवाला यांची हत्या करण्यात आली होती. या हत्येत लॉरेन्स बिश्नोई टोळीचा सदस्य अंकित सिरसाहाचाही समावेश होता.
मुंबई – सिद्धू मुसेवाला (Sidhu Moose Wala) यांची मे महिन्याच्या शेवटच्या आठवड्यात पंजाबमधील (Punjab) मानसा येथे हत्या झाली. या खून प्रकरणात सुरुवातीपासून कुख्यात गुंड लॉरेन्स बिश्नोईचे नाव घेतले जात आहे. सध्या एक कॉल रेकॉर्डिंग उघडकीस आले आहे. त्यामध्ये लॉरेन्स बिश्नोईला कुटिल पंजाबी गायक सिद्धू मूसवालाच्या हत्येबद्दल माहिती देत आहे. हे कॉल रेकॉर्डिंग उघडकीस आल्यापासून मोठी खळबळ माजली आहे. तो तिहार तुरुंगात बंद असलेल्या लॉरेन्स बिश्नोईला फोन करतो आणि काम पूर्ण झाल्याचे सांगतो. लॉरेन्स बिश्नोई (Lorens Bishnoi) त्याला विचारतो की काम पूर्ण झाले आहे का ? त्यावर समोरची व्यक्ती काम पुर्ण झाल्याचं सांगत आहे.
लॉरेन्स बिश्नोई हा सिद्धू मुसेवालाच्या हत्येचा मास्टरमाईंड ?
मानसा जिल्ह्यातील जवाहरके गावात सिद्धू मुसेवाला यांची हत्या करण्यात आली होती. या हत्येत लॉरेन्स बिश्नोई टोळीचा सदस्य अंकित सिरसाहाचाही समावेश होता. त्याला दिल्ली पोलिसांच्या स्पेशल सेलने नुकतीच अटक केली आहे. सिद्धू मुसेवाला यांच्या हत्येमध्ये सहभागी असलेल्या दोघांना पंजाब पोलिसांनी बुधवारी अमृतसरमधील एका गावात चकमकीत ठार केले. त्याचबरोबर चकमकीत चार गुंड मारले गेले. त्यापैकी दोन जणांवर सिद्धू मुसेवाला यांच्या हत्येचा आरोप होता. आता सिद्धू मुसेवालाच्या हत्येशी संबंधित एका कॉल रेकॉर्डींगने नवा खुलासा केला आहे. लॉरेन्स बिश्नोई हा सिद्धू मुसेवालाच्या हत्येचा मास्टरमाईंड असल्याच्या आरोपांना यावरून पुष्टी मिळते.
रेकॉर्डिंग एजन्सीची चिंता व्यक्त केली
या रेकॉर्ड कॉलने देशातील सर्वात सुरक्षित तुरुंगांमध्ये गणल्या जाणाऱ्या तिहार तुरुंगाच्या सुरक्षा व्यवस्थेवरही प्रश्न उपस्थित केले आहेत. अशा परिस्थितीत, लॉरेन्स बिश्नोई तिहार तुरुंगात असतानाही त्याची टोळी कशी चालवत आहे. त्यामुळे रेकॉर्डिंग एजन्सीची चिंता व्यक्त केली आहे. तसेच या प्रकरणाची कसून चौकशी होण्याची शक्यता आहे.
