Car Accident : बोनेटवर अडकलेल्या व्यक्तीला 8 किलोमीटर फरफटत नेलं, पुन्हा जोरात ब्रेक मारुन खाली पाडलं, मग लोकांनी…

बिहार : राज्यात पूर्वी चंपारण्यच्या (Bihar chanmparanya) कोटवा भागात (kotwa area) एक अशी घटना घडली आहे की, त्यामुळे नागरिकांनी भीती व्यक्त केली आहे. एक वयोवृद्ध व्यक्ती सायकलवरुन हायवे ओलांडत असताना भरधाव वेगाने आलेल्या कारने (Car accident) त्या व्यक्तीला उडवलं. त्यावेळी ती वयोवृध्द व्यक्ती बोनेटवर अडकली. त्यानंतर चालकाने कार जोरात चालवायला सुरुवात केली. त्यावेळी अडकलेल्या व्यक्तीने वायफर घट्ट पकडून ठेवलं होतं. आठ किलोमीटरवरती गेल्यावर त्या इसमाने कारचा जोरात ब्रेक मारला त्यानंतर ती व्यक्ती खाली पडली.

शंकर चौधुर असं त्या व्यक्तीचं नाव आहे. ज्यावेळी चौधुर हे सायकलवरुन रस्ता ओलांडत होते, त्यावेळी जोरात आलेल्या कारने सायकलला जोराची धडक दिली. सायकलवरती असलेले चौधुर हे कारच्या डायरेक्ट बोनेटवर आले, त्यावेळी त्यांनी वायफर पकडून ठेवले. चालकाने कारचा स्पीड अधिक वाढवला. त्यानंतर चौधुर यांना आठ किलोमीटर पर्यंत फरफटत नेलं. ज्यावेळी मागून लोक येत आहेत असं चालकाच्या लक्षात आलं. त्यावेळी त्याने अचानक ब्रेक मारुन चौधुर यांना खाली पाडलं. त्यानंतर त्याचा मृत्यू झाला असल्याचं प्रत्यक्षदर्शीनी लोकांना सांगितलं.

ती कार पीपराकोठी येथे सापडली असून कारच्या चालकावरती गुन्हा दाखल करण्यात येणार आहे. प्रत्यक्षदर्शी लोकांनी ही सगळी घटना पोलिसांना सांगितली आहे. त्यामुळे पोलिस चालकाचा शोध घेत आहे.