विवाहित प्रेयसीला भेटायला बोलावले, मग जे केले ते भयंकर !

गाझियाबाद : प्रेयसी आपल्याकडे यायला तयार नव्हती म्हणून प्रियकराने तिला भेटायला बोलावून तिच्या गोळी झाडल्याची धक्कदायक घटना गाझियबादमध्ये घडली आहे. पीडित प्रेयसी ही विवाहित आहे. तिचे आरोपीसोबत प्रेमसंबंध सुरु होते. मात्र नंतर तिने प्रियकरासोबत दुरावा निर्माण केला. याच रागातून त्याने हे कृत्य केले. ही घटना सीसीटीव्हीत कैद झाली आहे. गोळीबारात महिला गंभीर जखमी झाली आहे. महिलेला उपचारासाठी एमएमजी रुग्णालयात दाखल करण्यात आले. मात्र प्राथमिक उपचारानंतर तिला जीटीबी रुग्णालयात रेफर करण्यात आले. घटनेनंतर आरोपी फरार झाला असून, पोलीस त्याचा शोध घेत आहेत.

कामाच्या ठिकाणी ओळख झाली, मग प्रेमसंबंध जुळले

गाझियाबादच्या विजयनगर पोलीस ठाण्याअंतर्गत ही घटना घडली. आरोपी आणि पीडिता दोघेही लग्नसमारंभात जेवण बनवण्याचे काम करायचे. तेथेच त्यांची ओळख झाली आणि दोघे प्रेमात पडले. मग दोघांच्या भेटीगाठी सुरु झाल्या. काही दिवसांनी अचानक प्रेयसीने भेटणे बंद केले. मात्र आरोपी सतत महिलेचा पाठलाग करायचा आणि तिला आपल्याकडे येण्यास सांगायचा.

प्रेयसीला भेटायला बोलावले मग गोळी झाडली

आरोपीने मंगळवारी प्रेयसीला भेटायला बोलावले. यानंतर तिच्यावर गोळी झाडली. यात महिला गंभीर जखमी होऊन जमिनीवर कोसळली. गोळीबारानंतर आरोपी तेथून फरार झाला. घटनेची माहिती मिळताच पोलिसांनी घटनास्थळी धाव घेत महिलेला रुग्णालयात उपचारासाठी दाखल केले. महिलेची प्रकृती गंभीर आहे.

सीसीटीव्हीच्या आधारे पोलीस आरोपीचा शोध घेत आहेत. आरोपीला पकडण्यासाठी पोलिसांनी एक पथक तयार केले आहे. याप्रकरणी नातेवाईकांच्या फिर्यादीवरुन पुढील कारवाई सुरु आहे.