बंगालच्या माजी शिक्षण मंत्र्यांच्या संकटात वाढ; ‘हा’ घोटाळा भोवला
कलकत्ता उच्च न्यायालयाच्या निर्देशानुसार, पश्चिम बंगाल शाळा सेवा आयोगाच्या (एसएससी) शिफारशींनुसार शिक्षकांच्या भरतीमधील कथित अनियमिततेची चौकशी करत आहे.
नवी दिल्ली : पश्चिम बंगालमधील शिक्षक भरती घोटाळ्यासंदर्भात सीबीआयने (CBI) माजी शिक्षण मंत्री आणि निलंबीत टीएमसी नेते पार्थ चॅटर्जी (Parth Chatterjee) यांना आरोपी बनवले आहे. सीबीआयने शिक्षक भरती घोटाळ्याप्रकरणी (Teacher recruitment scam) आज विशेष न्यायालयात आरोप पत्र दाखल केले. या आरोपपत्रात एकण 16 जणांच्या नावाचा उल्लेख करण्यात आला आहे.
गेल्या आठवड्यात चॅटर्जींचा जामीन अर्ज नाकारला होता
गेल्या आठवड्यातच पार्थ चॅटर्जी यांचा जामीन अर्ज विशेष सीबीआय न्यायालयाने नाकारला होता. त्यांना 5 ऑक्टोबरपर्यंत न्यायालयीन कोठडी सुनावली आहे.
कलकत्ता उच्च न्यायालयाच्या निर्देशानुसार, पश्चिम बंगाल शाळा सेवा आयोगाच्या (एसएससी) शिफारशींनुसार शिक्षकांच्या भरतीमधील कथित अनियमिततेची चौकशी करत आहे.
आरोपींमध्ये या नावांचा समावेश
आरोपपत्रात सीबीआयने पश्चिम बंगाल केंद्रीय शाळा सेवा आयोगाचे तत्कालीन सल्लागार डॉ.शांती प्रसाद सिन्हा, समरजित आचार्य, तत्कालीन कार्यक्रम अधिकारी प्रा. सौमित्र सरकार, पश्चिम बंगाल केंद्रीय शाळा सेवा आयोगाचे तत्कालीन अध्यक्ष अशोक कुमार साहा, तत्कालीन सहायक सचिव, पश्चिम बंगाल माध्यमिक शिक्षण मंडळाच्या तदर्थ समितीचे तत्कालीन अध्यक्ष डॉ. कल्याणमय गांगुली, डॉ. पार्थ चट्टोपाध्याय, तत्कालीन शाळेचे प्रभारी मंत्री डॉ. शिक्षण विभागाने दिपंकर घोष, सुब्रत खान, अक्षय मोनी, समरेश मंडल, सौम्या कांती मिड्या, अविजित दलाई, सुकांत मलिक, इद्रिश अली मोल्ला, अजित बार आणि फोर्ड हुसेन लस्कर यांना आरोपी केले आहे.
तसेच डॉ.शांती प्रसाद सिन्हा, अशोक कुमार साहा, डॉ. कल्याणमय गांगुली आणि डॉ. पार्थ चटोपाध्याय हे न्यायालयीन कोठडीत आहेत.
