रात्रभर तिचा मृतदेह हायवेवर पडून होता… वाहने येत राहिली, चिरडत राहिली… 10 तासांनी अखेर… काय घडलं त्या भयान रात्री?
उत्तर प्रदेशातील प्रयागराज-कानपूर महामार्गावर तब्बल 10 तास वाहने एका महिलेच्या मृतदेहावरून जात होती, तिला चिरडत होती. अखेर दुसऱ्या दिवशी महिलेचा मृतदेह तुकड्यात सापडला. तिचा फक्त एक हात शिल्लक होता, ज्यावर एक टॅटू होता. ती कोण होती, काय झालं नेमकं ?
उत्तर प्रदेशातील प्रयागराज-कानपूर महामार्गावर एका महिलेचा मृतदेह पडला होता. रात्रभर वाहने तिच्यावरून अंगावरून जात होती, तिला चिरडत होती. काही चालकांनी लक्ष न देता तिच्या मृतदेहावरून गाडी चालवली तर काहींनी लक्षात येऊनही तिच्यावरून धाव घेतली. दोनशे मीटर अंतरापर्यंत फक्त मांसाचे तुकडे दिसत होते. पोलिसांना त्या मृतदेहाच्या नावाने फक्त एक हात सापडला. मांसाचे तुकडे आणि हात एका बंडलमध्ये पॅक करून पोस्टमॉर्टेमसाठी पाठवण्यात आले.
हे दृश्य ज्याने पाहिले ती व्यक्ती हादरलीच, पोलीसही अवाक् झाले. सुरुवातीला त्यांना हे सांगता आले नाही की हा मृतदेह महिलेचा आहे की पोलिसांचा. मात्रस नंतर, त्याच पोलिसांना हातावर बांगडीसारखे दिसणारे ब्रेसलेट दिसले, ज्यावरून तो मृतदेह महिलेचा असल्याचे स्पष्ट झाले. घटनास्थळाजवळील सीसीटीव्ही फुटेज स्कॅन केले जात आहे. पोलिस अपघात आणि खून या दोन्ही बाजूंनी तपास करत आहेत, तसेच महिलेची ओळख पटवत आहेत.
पोलिसांनी सांगितले की- रुमा शहरातील फतेहपूर-कानपूर लेनवरील कुलगाव उड्डाणपुलाच्या थोडे आधी, बुधवारी सकाळी महाराजपूरमध्ये एका महिलेचा विद्रूप मृतदेह आढळला. मृतदेहाचा फक्त एक हात शाबूत होता. उर्वरित मृतदेह संपूर्ण रस्त्यावर सुमारे दोनशे मीटर अंतरावर पसरलेल्या मांसाच्या तुकड्यात पडला होता. मृतदेहाची अवस्था पाहून स्थानिक लोकांनी अंदाज लावला की आठ ते दहा तास त्यावरून वाहने जात राहिली असावीत. बुधवारी सकाळी सहा वाजता लोक घराबाहेर पडले तेव्हा त्यांना रस्त्यावर रक्त आणि मांसाचे तुकडे दिसले आणि त्यांनी पोलिसांना माहिती दिली.
पोलिसांनी गोळा केले तुकडे
पोलिसांनी मृतदेहाचे तुकडे गोळा केले आणि ते पोस्टमॉर्टेमसाठी पाठवले. मृतदेहाची अद्याप ओळख पटलेली नाही. पोलिस सीसीटीव्ही कॅमेरे तसेच स्थानिक आणि जवळच्या गावांमधून माहिती गोळा करत आहेत. घटनास्थळी एक चप्पल सापडली आहे. महिलेच्या हातावर पीपीआरएन असा लिहिलेला टॅटूही सापडला. तिच्या हातात एक पितळी बांगडी होती. मंगळवारी मध्यरात्रीनंतर कधीतरी, महिलेला वाहनाने धडक दिली आणि ती जखमी होऊन रस्त्यावर पडली, असा अंदाज आहे. या हायवेवर अनेक वाहने ताशी 100 किमी वेगाने धावत असतात, त्यामुळे रात्रभर मृतदेहावरून वाहने जात राहिली आणि त्यामुळेच मृतदेह पूर्णपणे विद्रूप झाला होता.
पोलिसांना हत्येचा संशय
त्याच वेळी, पोलिसांना असाही संशय आहे की महिलेची हत्या करून मृतदेह अशा प्रकारे फेकण्यात आला असावा. रात्रीच्या वेळी वाहनांमुळे मृतदेह अशा प्रकारे नष्ट होईल की त्याची ओळख पटवणे कठीण होईल या उद्देशाने मारेकऱ्यांनी हे केलं असावं असा संशयही आहे. याप्रकरणी पोलिस अधिक तपास करत आहेत.
