धक्कादायक ! मित्रांनीच आधी गुंगीचे औषध दिले, मग अश्लील व्हिडीओ बनवून ब्लॅकमेल केले

डोंबिवली : सॉफ्ट ड्रिंकमध्ये नशेचे औषध पाजून तरुणाचा एका तरुणीसोबत अश्लील व्हिडिओ बनवून 30 लाख रुपयांचे सोने उकळणाऱ्या मित्राला टिळकनगर पोलिसांनी अटक केली आहे. आरोपीचे साथीदार फरार असून पोलीस त्यांचा शोध घेत आहेत. सागर राजपूत असे अटक करण्यात आलेल्या आरोपीचे नाव असून, पोलिसांनी त्याला कोल्हापूरहून अटक केली आहे.

पाडित तरुण कोल्हापूरला इंजिनियरिंगचे शिक्षण घेतो

डोंबिवलीत राहणारा एक तरुण कोल्हापूरमधील एका मोठ्या कॉलेजमध्ये इंजिनिअरिंगचे शिक्षण घेत आहे. 2020 मध्ये हा तरुण आपल्या काही मित्रांसोबत एका फार्म हाऊसवर पार्टी करण्यासाठी गेला होता.

मित्रांनी गुंगीचे औषध पाजून अश्लील व्हिडिओ बनवला

तेथे पिडीत तरुणाच्या मित्रांनी सॉफ्ट ड्रिंकमध्ये गुंगींचे औषध टाकून त्याचे एका तरुणीसोबतचे अश्लील व्हिडीओ काढले. त्यानंतर हा व्हिडीओ व्हायरल करण्याचे धमकावले. पीडीत तरुणाला सातत्याने धमकावत त्याच्याकडून 30 लाख रुपये किंमतीचे आठशे ग्रॅम वजनाचे दागिने लाटले.

अखेर तरुणाने पोलिसात धाव घेत तक्रार दिली

अखेर ब्लॅकमेलिंगला कंटाळलेल्या तरुणाने टिळकनगर पोलीस ठाण्यात धाव घेत याबाबत तक्रार दाखल केली. त्यानुसार पोलिसांनी सागर राजूपतला कोल्हापूरहून अटक केली आहे. तो कोल्हापूर येथील इचलकरंजी येथील रहिवासी आहे.

पोलिसांकडून अधिक तपास सुरु

या प्रकरणात आणखीन किती जणं सहभागी आहेत. त्यात त्यांचा काय सहभाग आहे, याबाबत पोलिसांकडून त्याचा तपास सुरु आहे. तपासासाठी टिळकनगर पोलिसांचे तपास पथक कोल्हापूरला रवाना झाले आहे.

अटक आरोपीला न्यायालयात हजर करण्यात आले. या प्रकरणात फिर्यादी आणि आरोपींच्या जबाबात तफावत येत असल्याने पोलीस अन्य बाजूने या प्रकरणाचा तपास करीत असल्याची माहिती पोलिस सूत्रांनी दिली.