Anmol Bishnoi arreste : मोठी बातमी! गँगस्टर लॉरेन्स बिश्रोईचा भाऊ अनमोलला अटक

गँगस्टर लॉरेन्स बिश्नोईचा भाऊ अनमोल बिश्नोईला अटक करण्यात आलं आहे. मात्र अद्याप या प्रकरणात मुंबई किंवा दिल्ली पोलिसांचं कोणतंही अधिकृत स्टेटमेंट समोर आलेलं नाहीये. मात्र सुत्रांकडून मिळत असलेल्या माहितीप्रमाणे दोन आठवड्यांपूर्वीच गँगस्टर अनमोल बिश्नोईविरोधात अजामीनपात्र वारंट जारी करण्यात आलं होतं. त्यानंतर त्याला आता अटक करण्यात आली आहे. अनमोल बिश्नईला अमेरिकेच्या कॅलीफोर्नियामधून अटक करण्यात आली आहे.

सुत्रांकडून मिळत असलेल्या माहितीप्रमाणे आता अमेरिकन सरकार अनमोल बिश्नोईला भारताच्या स्वाधीन करणार आहे. प्रत्यार्पणाच्या हालचालींना वेग आला आहे. भारत सरकारकडून अनमोल बिश्नोईला भारतात आणण्याचा प्रयत्न सुरू आहे, अनमोल बिश्नोईच्या अटकेनंतर आता अनेक मोठे खुलासे होण्याची शक्यता आहे.

अभिनेता सलमान खानच्या घराबाहेर गोळीबार करण्यात आला होता, या प्रकरणात अनमोल बिश्नोई वॉन्टेड आहे. मुंबई पोलिसांकडून त्याचा समावेश हा मोस्ट वॉन्टेड आरोपींच्या यादीमध्ये करण्यात आला आहे.त्याचा शोध सुरू असतानाच त्याला अमेरिकेतून अटक करण्यात आल्याची माहिती समोर येत आहे.दोन आठवड्यांपूर्वीच गँगस्टर अनमोल बिश्नोईविरोधात अजामीनपात्र वारंट जारी करण्यात आलं होतं. त्यानंतर त्याला आता अटक करण्यात आली आहे.

दरम्यान काही दिवसांपूर्वी राष्ट्रवादी अजित पवार गटाचे नेते बाबा सिद्दिकी यांच्यावर गोळीबार करण्यात आला होता. या घटनेत ते गंभीर जखमी झाले होते. रुग्णालयात उपचार सुरू असताना त्यांचा मृत्यू झाला. दसऱ्याच्या दिवशी तीन हल्लेखोरांनी त्यांच्या हल्ला कोला होता. त्यातील दोघांना पोलिसांनी तातडीनं पकडं तर मुख्य हल्लेखोर फरार झाला होता, त्यानंतर त्याला उत्तर प्रदेशमधून अटक करण्यात आलं. दरम्यान या प्रकरणात देखील बिश्नोई गँगच कनेक्शन समोर आलं होतं. अखेर आता अनमोल बिश्नोईल अटक करण्यात आली आहे, त्याच्या अटकेनंतर काही महत्त्वाचे खुलासे होण्याची शक्यता आहे.