गॅस सिलिंडर स्फोटाने नाशिक हादरले; 6 कामगार भाजले, सहा महिन्यांत 13 जणांचा मृत्यू

नाशिकः स्वयंपाक करायला गॅस सुरू करण्यासाठी काडीपेटी पेटवली असता झालेल्या भीषण स्फोटाने 6 कामगार भाजल्याची घटना नाशिकमधल्या कुमावतनगरमध्ये घडली आहे. यातले दोन कामगार नव्वद टक्के भाजल्याचे समजते. त्यांच्यावर रुग्णालयात उपचार सुरू आहेत.

घटनेची सविस्तर माहिती अशी की, कुमावतरनगरमध्ये सहा कामगार एकत्र रहायचे. ते परराज्यातील असून टाइल्स बसवण्याचे काम करतात. शुक्रवारी सकाळी त्यांना कामावर जायची घाई होती. सकाळचा स्वयंपाक करायला गॅस सुरू करण्यासाठी त्यांच्यातील एकाने काडीपेटीची काडी पेटवली. तेव्हा गॅस सिलिंडरचा भडका उडून मोठा स्फोट झाला. या स्फोटाने संपूर्ण परिसर हादरून गेला. यामध्ये लवलेश धरम पाल (रा. अदालतपूर, उत्तर प्रदेश), अखिलेख धरमपाल, विजयपाल फत्तेपूर, संजय मौर्य, अरविंद पाल, वीरेंद्रकुमार (सर्व रा. फतेहपूर, उत्तर प्रदेश) हे गंभीर जखमी झाले आहेत. यातले दोघे मजूर नव्वद टक्के भाजले असल्याचे समजते. या प्रकरणी पंचवटी पोलीस ठाण्यात गुन्हा दाखल करण्यात आला आहे.

6 महिन्यांत 13 मृत्यू

गॅस गळतीमुळे 6 महिन्यांत 13 जणांचा मृत्यू झाला आहे. एप्रिलमध्ये सारडा सर्कल येथील संजरीनगर सोसायटीत गॅस सिलिंडर बदलताना गळती झाली. या स्फोटात सात जणांचा मृत्यू झाला होता. वडाळा-पाथर्डी रस्त्यावरील भारतनगर झोपडपट्टीमध्ये सिलिंडरचा स्फोट होऊन पाच युवकांचा बळी गेला होता. तर चार सप्टेंबर रोजी एका हॉटेलमध्ये गॅस स्फोट झाल्याची घटना घडली होती. यात स्वयंपाकी रूपेश गायकवाड यांचा जागीच मृत्यू झाला होता. दरम्यान, नागरिकांनी दक्षता घेतली आणि काही नियम पाळले तर गॅस सिलिंडर गळतीचे अपघात रोखले जाऊ शकतात. त्यासाठी फक्त थोडी दक्षता घ्यावी लागेल.

गॅस गळती होऊ नये म्हणून ही दक्षता घ्या

– गॅस सिलिंडरचे रेग्युलेटर रात्री झोपण्यापूर्वी बंद करावे. – रेग्युलेटरला अडकावलेले पांढरे झाकण रात्री सिलिंडरला लावावे. – गॅसचा थोडाही वास आल्यास घराचे दरावाजे, खिडक्या तात्काळ उघडा. – काडीपेटी, लायटर पेटवू नका. पंखे, बल्बही सुरू करू नका. – गॅसचा वास जाईपर्यंत काळजी घ्या. – गॅस गळती झाल्यास सिलिंडर घराबाहेर अथवा मोकळ्या जागेत न्यावे. – घरात गॅसने पेट घेतल्यास चादर पाण्यात बुडवून ती सिलिंडर भोवती गुंडाळा.

इतर बातम्याः

‘आयटीआय’ची ऑनलाईन प्रवेश प्रक्रिया सुरू; नाशिक जिल्ह्यातील विद्यार्थ्यांना येथे करता येईल अर्ज!

लसीकरणाचा विक्रमः नाशिक विभाग राज्यात नंबर 1; एक कोटी 30 लाख नागरिकांना टुचुक!

गोदाकाठच्या 100 मीटर परिसरात नो प्लास्टिक झोन; नाशिक महापालिकेचा निर्णय

T20 World Cup 2021 : भारत-पाकिस्तान सामन्याबाबत दिग्गज पाकिस्तानी क्रिकेटपटूची भविष्यवाणी! जुने रेकॉर्ड बदलण्याची अपेक्षा#T20WorldCup #T20WorldCup2021 #INDvPAK #India #Pakistan #TeamIndia https://t.co/Mi0HW2fp6c

— TV9 Marathi (@TV9Marathi) October 23, 2021