मोठा भाऊ लहान भावाच्या घरी आला, घरात प्रवेश करताच समोर जे दृश्य दिसलं ते पाहून त्याला धक्काच बसला !

चित्तोडगड : चारित्र्यावरील संशयातून एका व्यक्तीने पत्नीची हत्या केल्याची धक्कादायक घटना चित्तोडगडमध्ये घडली आहे. हत्या केल्यानंतर आरोपी ती फरार झाला आहे. आरोपी घटा राणीच्या जंगलात लपून बसला होता. मात्र पोलिसांनी त्याचा कसून शोध घेत त्याला जंगलातून अटक केली आहे. मुकेश असे आरोपीचे नाव आहे. याप्रकरणी आरोपीच्या भावाच्या तक्रारीवरुन कनेरा पोलीस ठाण्यात हत्येचा गुन्हा दाखल करण्यात आला आहे. पोलीस पुढील तपास करत आहेत. आरोपीला न्यायालयात हजर केले असता न्यायालयाने त्याला पोलीस कोठडी सुनावली आहे.

चारित्र्याच्या संशयातून पत्नीची हत्या

मुकेशला पत्नी योगिताच्या चारित्र्यावर संशय होता. याच संशयातून तो तिला मारहाण करायचा. बुधवारी रात्रीही नेहमीप्रमाणे त्यांच्यात वाद झाला. मुकेशला योगिताला बेदम मारहाण केली. मुकेशचा भाऊ बालकिशनला याला भावाने वहिनीला मारहाण केल्याची माहिती मिळाली. यानंतर बालकिशन तात्काळ मुकेशच्या घरी गेला. घरी पोहचताच त्याने पाहिले तर योगिताचा मृतदेह रुममध्ये पडला होता. तिच्या शरीरावर मारहाणीच्या खुणा होत्या.

जंगलातून आरोपीला अटक

बालकिशनने तात्काळ पोलिसांना घटनेची माहिती दिली. पोलिसांनी तात्काळ घटनास्थळी धाव घेत मृतदेह ताब्यात घेत शवविच्छेदनासाठी रुग्णालयात पाठवला. पोलिसांनी हत्येचा गुन्हा नोंद करत तपास सुरु केला. आरोपी घाटा राणी जंगलात लपून बसल्याची पोलिसांना माहिती मिळाली. त्यानुसार पोलिसांनी जंगलाच सर्च ऑपरेशन राबवत आरोपीला अटक केली. आरोपीच्या भावाने दिलेल्या तक्रारीनुसार त्याच्याविरोधात गुन्हा दाखल करण्यात आला आहे.