Crime News : लुटीचा नवा फंडा, चालता बोलता वृद्धाला गंडवलं, भामट्याने हातचलाखी केली ?

नाशिक : नाशिकमधील रस्तेही सुरक्षित नाही का ? असा सवाल आता नागरिकांना पडू लागला आहे. त्याचे कारण म्हणजे भर रस्त्यात एका वृद्धाची लूट ( Nashik Crime News ) झाली आहे. यापूर्वीही मुंबई नाका परीसरात एका तरुणीची दुचाकीस्वाराने छेड काढली होती. त्यामुळे नाशिकचे रस्ते सुरक्षित नाही असे नाशिककर म्हणू लागले आहे. नुकतीच नाशिकरोडच्या फर्नांडिसवाडीकडे जाणार्या रोडवर एका वृद्धाची लूट ( Robbery ) झाली आहे. 80 वर्षीय वृद्धाची लाखों रुपयांची लूट करण्यात आली आहे. यामध्ये उपनगर पोलीस ठाण्यात गुन्हा दाखल करण्यात आला आहे.

करमसिंह करसन पटेल हे सकाळी 11 वाजेच्या दरम्यान तरणतलाव रोडपासून फर्नांडिस वाडीकडे जात होते. त्याच वेळी त्यांच्याजवळ दुचाकीवरुन आलेले दोघे थांबले. पटेल यांच्याशी बोलू लागले.

त्यावेळी पटेल यांच्याशी बोलत असतांना त्यांनी पुढे चेकिंग सुरू आहे. तुमच्याकडे काही वस्तु असेल तर द्या. महागड्या वस्तु जमा करून घेतल्या जात आहे असं सांगितलं. आणि तुमच्याकडे असलेले दागिने रुमालात टाका म्हणून सांगितले.

करमसिंह करसन पटेल या 80 वर्षीय वृद्धाने दोघांवर विश्वास ठेवला आणि लागलीच आपल्याकडे असलेले सोने आणि इतर महागड्या वस्तु त्यांच्या हातातील रुमालात टाकल्या. त्यांनी रुमाल बांधत असतांना हातचलाखीने वस्तु काढून घेतल्या.

वृद्ध व्यक्ती पुढे गेल्यावर रुमाल उघडून पाहतात तर काय रूमालात दागिने नव्हते. त्यामुळे आपली लूट झाली हे लक्षात येताच पटेल यांनी परिसरातील नागरिकांनी सांगू लागले. पोलिसांना फोन करून कळविण्यात आले होते.

घटनास्थळी पोलीस आले त्यांनी पाहणी केली आहे. पटेल यांच्या फिर्यादीवरुन फसवणुकीचा गुन्हा दाखल करण्यात आला आहे. त्यामध्ये एकूण एक लाख 37 हजार पाचशे रुपयांची फसवणूक झाली आहे.

चेकिंग सुरू असल्याची बतावणी करत लूट झाल्याची घटना नाशिकरोड परिसरात घडल्याने संपूर्ण शहरात खळबळ उडाली असून पोलीसांनी कठोर कारवाई करण्याची मागणी केली जात आहे. यामध्ये उपनगर पोलीस तपास करत आहे.

भर दिवसा ही लुटीची घटना घडल्याने सर्वत्र चर्चा सुरू झाली असून रस्त्याने फिरतांना कुणी थांबविले आणि काही बतावणी केली तर त्यापासून सावध राहण्याची गरज व्यक्त केली जात आहे. यापूर्वी अशा विविध ठिकाणी लुटीच्या घटना घडल्या आहेत.

मात्र, आता वृद्ध व्यक्तींना पाहून लक्ष केले जात असल्याने पोलिसांसमोर ही गुन्हेगारीची पद्धत एक आव्हान निर्माण करणारी आहे.