Sanjay Biyani Murder | बियाणी कुटुंबाला धमकवणारा सापडला, वैयक्तिक भांडणाचा वचपा काढण्यासाठी पत्र
बियाणींना जीवे ठार मारण्याचा प्लॅन परभणीत झाल्याचा दावा या पत्रात करण्यात आला होता. या पत्रात रेती माफियांचा उल्लेख करण्यात आला होता. हे निनावी पत्र स्पीड पोस्टने आलं होतं, तर पत्रात लिहिलेला मजकूर हिंदी भाषेत होता.
नांदेड : नांदेड शहरातील सुप्रसिद्ध बांधकाम व्यावसायिक संजय बियाणी यांच्या हत्येनंतर (Sanjay Biyani Murder Case) घरी निनावी पत्र (Letter) पाठवणाऱ्या आरोपीला अटक करण्यात आली आहे. धर्माबाद येथील आटाळा येथून 74 वर्षीय विठ्ठल सूर्यवंशी याला पोलिसांनी बेड्या ठोकल्या आहेत. सूर्यवंशीचा गावातील पांडुरंग येवले नामक व्यक्तीशी शेतीच्या कारणावरुन वाद (Nanded Crime) होता. त्यामुळे येवले यांच्या नावाचा उल्लेख करुन सूर्यवंशीने पत्र पाठवल्याचा आरोप आहे. येवले यांना गुन्हात अडकवण्यासाठी खोडसाळपणाने पत्र पाठवल्याची कबुली सूर्यवंशीने दिल्याचं समोर आलं आहे. बियाणींना जीवे ठार मारण्याचा प्लॅन परभणीत झाल्याचा दावा या पत्रात करण्यात आला होता.
बियाणींना जीवे ठार मारण्याचा प्लॅन परभणीत झाल्याचा दावा या पत्रात करण्यात आला होता. या पत्रात रेती माफियांचा उल्लेख करण्यात आला होता. हे निनावी पत्र स्पीड पोस्टने आलं होतं, तर पत्रात लिहिलेला मजकूर हिंदी भाषेत होता.
काय होतं पत्र?
बियाणी साब को ठोकनेका मनसुबा परभणी में हुवा, जिसमे आनंद नगर से बहुत बडा दादा पांडुरंग येवले परभणी आया था…. जिसेने पहले गोरठेकर के बच्चे को मारा था, जो आताळा का रेती माफिया है, अभी भी डरसे कोई ऊसे बात नही करते… अशा आशयाचे निनावी पत्र संजय बियाणी यांच्या घरी धडकले होते. त्यामुळे आधीच दहशतीच्या छायेत वावरत असणारे बियाणी कुटुंबीय या पत्रामुळे आणखी भयभीत झाले होते.
काय आहे प्रकरण?
5 एप्रिल 2022 रोजी सकाळी 11 वाजताच्या सुमारास नांदेडमधील सुप्रसिद्ध बिल्डर संजय बियाणी यांच्यावर राहत्या घराबाहेरच चार गोळ्या झाडण्यात आल्या होत्या. गोळीबारात संजय बियाणी गंभीर जखमी झाले होते, मात्र रुग्णालयात उपचार सुरु असताना त्यांची प्राणज्योत मालवली. खंडणी वसुलीच्या कारणावरुन त्यांची हत्या झाल्याचा प्राथमिक अंदाज वर्तवला जात आहे, तर सुपारी देऊन पतीची हत्या झाल्याचा आरोप बियाणींच्या पत्नीने केला आहे. संजय बियाणींवरील गोळीबाराचे सीसीटीव्ही फूटेज समोर आले असून गाडीतून बाहेर पडलेल्या बियाणींवर दोघा जणांनी गोळीबार केल्याचं कॅमेरात कैद झालं आहे.
संबंधित बातम्या :
Sanjay Biyani हत्याकांड, नांदेड एकटवटलं, अंत्ययात्रा रोखली, आरोपींना तत्काळ अटकेची मागणी