पत्नी पाठवायची प्रियकरासोबतचे नको त्या अवस्थेतील फोटो, पाहून संतापायचा पती; थेट सासरी गेल्यावर…

मेघालयातील हनीमून हत्याकांडाची सावली आता पश्चिम बंगालच्या नदिया जिल्ह्यातही दिसत आहे. येथील हावडा येथील रहिवासी शुभेंदु साहा यांच्या रहस्यमय मृत्यूने परिसरात खळबळ उडाली आहे. शुभेंदु यांच्या मृत्यूप्रकरणी पत्नी आणि तिच्या कुटुंबावर हत्येचा आरोप ठेवत नदिया जिल्ह्यातील हरणघाटा पोलिस ठाण्यात एफआयआर दाखल करण्यात आली आहे.

हावड्यातील शियालदांगा येथील रहिवासी शुभेंदु साहा यांचे नदियातील उमा देवी यांच्याशी लग्न झाले होते. कुटुंबीयांचा आरोप आहे की, लग्नानंतरही उमा देवी यांचे तिच्या जुन्या प्रियकराशी संबंध होते. शुभेंदु यांच्या मोबाइलवर उमा देवी आणि तिच्या प्रियकराचे अनेक खाजगी फोटो पाठवलेले असायचे. ते पाहून शुभेंदु मानसिक तणावात राहायचे.

वाचा: नवरा येताच छतावरून उडी मारून पळाली… हॉटेलमध्ये असं काय घडलं? सीसीटीव्हीत असं काय झालं कैद?

सुमारे दोन महिन्यांपूर्वी कौटुंबिक वादानंतर उमा देवी आपल्या माहेरी नदियाला गेल्या होत्या. शुभेंदु दर रविवारी आपली पत्नी आणि मुलांना भेटण्यासाठी जायचे. गेल्या रविवारीही ते भेटण्यासाठी गेले होते, पण सोमवारी त्यांच्या सासरकडून त्यांच्या मृत्यूची माहिती त्यांच्या कुटुंबीयांना देण्यात आली.

शुभेंदु यांच्या कुटुंबीयांचा आरोप आहे की, त्यांना बेदम मारहाण करून मारण्यात आले आहे. मृतदेहावर अनेक ठिकाणी जखमांचे निशाण आहेत. दुसरीकडे, पत्नी उमा देवी यांचा दावा आहे की, शुभेंदु नेहमी तिला मारहाण करायचे आणि त्या दिवशीही त्यांनी मारहाण केली. त्यानंतर शुभेंदु छतावर गेले आणि तिथे त्यांनी आत्महत्या केली.

शुभेंदु यांच्या कुटुंबीयांनी उमा देवी आणि तिच्या माहेरील अनेक सदस्यांविरुद्ध हरणघाटा पोलिस ठाण्यात हत्येच्या कलमांतर्गत एफआयआर दाखल केली आहे. कुटुंबाचे असेही म्हणणे आहे की, उमा देवी यांचा प्रियकर त्यांना सतत फोनवर धमक्या द्यायचा आणि खटला मागे न घेतल्यास गंभीर परिणाम भोगण्याची धमकी द्यायचा. पोलिसांनी प्रकरण नोंदवले असून संपूर्ण घटनाक्रमाचा सखोल तपास सुरू केला आहे.