दारुडा बसमध्ये करीत होता छेडछाड, भर रस्त्यात महिलेने अशी घडवली अद्दल

अनुपपूर : मध्य प्रदेशातील अनुपपूरमध्ये एका दारुड्याला महिलेचा विनयभंग करणे महागात पडले. महिलेने त्याला रस्त्याच्या मध्यभागी ओढत आणले आणि लाथा-बुक्क्यांनी मारहाण केली. या मारहाणीचा व्हिडीओ मोठ्या प्रमाणात व्हायरल होत आहे. असे सांगितले जात आहे की, दारूच्या नशेत प्रवासादरम्यान महिलेशी गैरवर्तन केले. बराच काळ महिलेने त्याचा उर्मटपणा सहन केला. पण बस अनुपपूर बस स्टँडवर पोहोचताच महिलेने त्याला खाली उतरवले आणि तिला चांगला धडा शिकवला. (man was harassing her in the bus, a woman in the street did the same)

मारहाण करीत आरोपीला पोलिसांच्या स्वाधीन केले

महिलेने सांगितले की, ती प्रवासी बसमध्ये बिजुरी ते कोटमा ते शहडोल प्रवास करत होती. आरोपीही कोटमा बसस्थानकावर बसमध्ये बसला होता. मद्यपी तिचा विनयभंग करत होता, असे या महिलेचे म्हणणे आहे. बिजुरी ते अनुपपूर पर्यंतच्या सुमारे 50 किमीच्या प्रवासात तिने त्या माणसाची कृती सहन केली, पण जेव्हा पाणी तिच्या डोक्याच्या वर गेले तेव्हा तिने त्याला अनुपपूर बस स्टँडवर बसमधून खाली उतरवले आणि त्याला रस्त्यावर ओढले. त्यानंतर त्याला धडा शिकवत महिलेने त्याला भररस्त्यावर लाथा आणि बुक्क्याने मारहाण करून कोतवाली पोलिसांच्या स्वाधीन केले.

या दरम्यान तेथे उपस्थित असलेल्या एका व्यक्तीने या संपूर्ण घटनेचा व्हिडिओ आपल्या मोबाईलमध्ये काढला, जो आता सोशल मीडियामध्ये जोरदार व्हायरल होत आहे. हा व्हिडिओ पाहून लोक त्या महिलेला आज की लक्ष्मीबाई म्हणत आहेत.

भोपाळमध्ये भाजपच्या मंत्र्यांनी महिला उमेदवाराच्या केसांत हात घातला

मध्य प्रदेशातील भाजपचे एक मंत्री महिलेच्या केसांना हात लावल्यामुळे अडचणीत आले आहेत. त्याचं झालं असं, की मध्य प्रदेशातल्या सतना जिल्ह्याच्या रायगाव विधानसभेच्या पोटनिवडणुकीचा प्रचार सुरु आहे. या प्रचारासाठी मुख्यमंत्री शिवराज सिंह चौहान इथं आले होते, शिवराज सिंह चौहान यांचं भाषण सुरु असतानाचा हा प्रकार घडला, जो कॅमेऱ्यात कैद झाला.

सोशल मीडियावर व्हायरल झालेल्या व्हिडीओमध्ये, कथितरीत्या राज्याचे खणन मंत्री ब्रिजेंद्र प्रताप सिंह पहिल्यांदा खिशात चष्मा शोधताना दिसत आहेत, तेवढ्यात त्यांच्या शेजारी बसलेला एक माणूस मंत्र्याच्या चष्मा भाजपच्या महिला उमेदवाराच्या केसात अडकल्याचे सांगतो. ही महिला उमेदवार शिवराज सिंह यांच्या बाजूला उभी आहे. यानंतर, त्या महिलेच्या मागे बसलेले मंत्री तिच्या केसातून चष्मा काढताना दिसतात. भाजपवर हल्ला चढवत काँग्रेसने आरोप केला की, मंत्र्याने एका महिला उमेदवाराला चुकीचा स्पर्श केला. काँग्रेसने यासंदर्भातील एक व्हिडिओ ट्विटरवर शेअर केला आहे. (man was harassing her in the bus, a woman in the street did the same)

सर्वस्तरातून टीकेनंतर सरकारला जाग, आरोग्य विभागाच्या परीक्षेसाठी 8 निरीक्षकांची नेमणूक https://t.co/YkKue7obNv @rajeshtope11 @NCPspeaks @OfficeofUT @AjitPawarSpeaks @Devendra_Office #HealthDepartment #Examinations #RajeshTope #InspectorsAppoinment #HealthDepartmentExams

— TV9 Marathi (@TV9Marathi) October 19, 2021

इतर बातम्या

Google Event 2021: गूगल पिक्सेल 6, पिक्सेल प्रो ग्राहकांच्या भेटीला, लाँचिंगसाठी उरले फक्त काही तास

500 रुपयांच्या उधारीवरुन वादावादी, वर्ध्यात चाकूने सपासप वार करत तरुणाची हत्या