छेडछाड करत भर रस्त्यात तरुणीचे कपडे फाडले, औरंगाबादमध्ये महिलांच्या सुरक्षेचा प्रश्न ऐरणीवर

थांबवायला सांगितले तरीही वेग वाढवला

रिक्षा चालकाचे हावभाव बदलल्यावर तरुणीनं तत्काळ तो रिक्षा बाजूला घेऊन थांबवायला सांगितले. मात्र तिचे काहीही न ऐकता रिक्षा चालकानं आणखीच वेगानं रिक्षा चालवायला सुरुवात केली. अखेर छेडछाड किंवा अपहरणाच्या भीतीनं धावत्या रिक्षातून उडी मारली. या प्रकरात तरुणी गंभीर जखमी झाली.

या घटनांमुळे नागरिकांमध्ये महिला सुरक्षेच्या प्रश्नावर भीती तयार झालीय. गुन्हेगार भरदिवसा महिलांवर हल्ला करत असल्यानं महिलांनी घराबाहेर पडायचं की नाही? असा प्रश्न तयार झालाय. पोलीस प्रशासनांचा गुन्हेगारांवर वचक नाही. गुन्हेगार मोकाट बाहेर फिरत असल्यानंच सर्वसामान्य नागरिकांचं घराबाहेर पडणं मुश्किल झाल्याचीही संतप्त प्रतिक्रिया नागरिक व्यक्त करत आहेत.

धीट व्हा, पोलिसांना फोन करा!

शिक्षण किंवा नोकरी-कामासाठी घराबाहेर पडणाऱ्या मुलींना अनेकदा छेडछाडीच्या प्रकारांना सामोरे जावे लागते. कोणावरही कोणताही प्रसंग ओढवू शकतो. अशा वेळी घाबरून न जाता, तरुणींनी सतर्कतेने पोलिसांना फोन करणे, हा उत्तम मार्ग असल्याचे आश्वासन दामिनी पथकाच्या प्रमुख निर्मला निंभोरे यांनी दिले. शहरात सर्व प्रमुख ठिकाणी, दूध डेअरी चौक, क्रांती चौक, आकाशवाणी चौक, गुलमंडी इत्यादी भागात पोलिसांची वाहनं फिरत असतात. त्यामुळे घटनास्थळी पोलिस अगदी दोन मिनिटात दाखल होऊ शकतात. फक्त संकटात सापडलेल्या व्यक्तींनी पोलिसांना एक फोन केला पाहिजे, अशी विनंती निर्मला निंभोरे यांनी केली.

हेल्पलाईन नंबर सेव्ह करा – 0240-2240500

शहरातील संकटातील व्यक्ती, ज्येष्ठ नागरिक किंवा महिलांना कधीही पोलिसांची मदत लागल्यास त्यांनी तत्काळ 0240-2240500 हा क्रमांक डायल करून कंट्रोल रुमला माहिती दिली पाहिजे. कंट्रोल रुमवरून संबंधित परिसरात ड्युटीवर असलेल्या पोलिसांना मदतीसाठी पाठवले जाते. त्यामुळे आपण फोन केल्यावर पोलिस कधी येतील आणि कधी मदत मिळेल, या विचारात न राहता, संकटातील व्यक्तींना तत्काळ फोन केला पाहिजे, असे आवाहन शहर पोलिसांनी केले आहे. तसेच ज्येष्ठ नागरिक आणि महिलांकरिता दामिनी पथकाचे 1090, 1091 हे हेल्पलाइन नंबरही आहेत.