Mumbai Accused Arrest : विरार लोकलमध्ये टॉय गन दाखवून महिलेला लुटणाऱ्या ट्रान्सजेंडरला अटक, बोरीवली जीआरपीची कारवाई

मुंबई : कधी टॉय गन पॉईंटवर तर कधी चाकूचा धाक दाखवून महिलांना लुटणाऱ्या आणि मुंबईच्या लोकल ट्रेनमध्ये पळून जाणाऱ्या एका ट्रान्सजेंडर (Transgender)ला मुंबईच्या बोरिवली जीआरपी पोलिसांनी अटक (Arrest) केली आहे. प्रफुल्ल उर्फ ​​सानिया पांचाळ (22) असे अटक करण्यात आलेल्या आरोपी ट्रान्सजेंडरचे नाव आहे. तक्रार दाखल झाल्यानंतर बोरिवली रेल्वे पोलिसांनी आरोपी किन्नरला खार परिसरातून अटक केली आहे. आरोपीने आतापर्यंत किती लोकांना बंदुक आणि चाकूचा धाक दाखवत लुटले, किती पैसे लुबाडले हे पोलिस चौकशीनंतर स्पष्ट होईल. सध्या पोलिसांनी आरोपी अटक करत चौकशी सुरु केली आहे. (Borivali GRP arrests transgender for robbing woman by showing toy gun in Virar local)

टॉय गन दाखवून 4 हजार रुपये लुटले

21 एप्रिल रोजी सायंकाळी 6:15 वाजता दादर रेल्वे स्थानकावरून विरारला जाणाऱ्या लोकल ट्रेनमध्ये एक महिला बसली होती. अंधेरी स्थानकावर आरोपी किन्नर देखील त्याच ट्रेनमध्ये चढला आणि महिलेकडे पैसे मागू लागला. महिलेने त्याला पैसे दिले. मात्र आरोपीला हे पैसे कमी वाटले. त्यानंतर आरोपीने आपल्या बॅगेतून टॉय गन बाहेर काढली आणि महिलेवर रोखत आणखी पैशाची मागणी केली. महिलेने भीतीने बॅगेत ठेवलेले 4 हजार रुपये काढून घेतले. ट्रेन बोरिवली स्थानकावर येताच आरोपीने खाली उतरत पळ काढला. यानंतर महिलेने बोरीवली जीआरपी पोलिसात याबाबत तक्रार दिली. तपासादरम्यान आरोपीविरुद्ध अंधेरी येथे चाकूचा धाक दाखवून लुटल्याचाही गुन्हा दाखल असल्याचे पोलिसांना कळले. त्यानंतर पोलिसांनी आरोपी कसून शोध घेत त्याला खार परिसरातून अटक केली आहे. (Borivali GRP arrests transgender for robbing woman by showing toy gun in Virar local)

इतर बातम्या

Dombivali Crime : डोंबिवलीत गुरू शिष्याच्या नात्याला काळिमा, प्रेमसंबंधातून स्पोर्ट्स कोचकडून विद्यार्थिनीला अमानुष मारहाण

Dombivli Crime : डोंबिवलीत किरकोळ कारणावरून युवकाला मारहाण, सीसीटीव्ही बघाल तर थक्क व्हाल