ऊसतोड मजुराच्या घराला आग, वाऱ्यामुळे आगीने संपूर्ण घर भस्मसात

जितेंद्र बैसाणे, नंदुरबार : नंदुरबारच्या (Nandurbar) धडगाव (dhadgaon) तालुक्यातील त्रिशूल गावातील भुगदेवपाडा येथील ऊसतोड कामगार बामण्या लाखा वसावे यांच्या घराला भर दुपारी आग लागून घर जळून खाक झाल्याची दुर्दैवी घटना घडली आहे. बामण्या लाखा वसावे यांचे संपूर्ण कुटुंब पंढरपूर (pandarpur) येथे ऊस तोडीच्या कामासाठी स्थलांतर झालेले आहे. घराला लागलेल्या आगीत जीवनावश्यक वस्तू जळून खाक झाल्याची प्राथमिक माहिती प्रत्यक्ष दर्शनी दिली आहे. आगीचे कारण अद्याप समजू शकलेले नाही. आग लागल्याची माहिती मिळताच आजूबाजूच्या लोकांनी घटनास्थळी धाव घेतली.

प्रत्यक्ष दर्शनी दिलेल्या माहितीनुसार अचानक दुपारी घरातून धुराचे लोट निघताना दिसले. त्यानंतर जवळपासच्या नागरिकांनी आग विझविण्यासाठी मिळेल, त्या भांड्यांमध्ये पाणी आणून आग विझविण्याचा प्रयत्न केला. परंतु बामण्या लाखा वसावे यांचे घर टेकडीवर असल्याने वाऱ्यामुळे आगीने संपूर्ण घर भस्मसात झाले, आगीवर नियंत्रण मिळविणे कठीण शक्य झाले नाही. या आगीमुळे घरातील जीवनावश्यक वस्तू धान्य जळून खाक झाल्याने लाखोंचे नुकसान झाले आहे. महसूल विभागाच्या वतीने सदर आगीमुळे नुकसान झालेल्यांना पंचनामा करून नुकसान भरपाई द्यावी अशी मागणी सरपंच वाहरीबाई सुरजसिंग पाडवी व गावकऱ्यांनी केली आहे.

अचानक आग लागल्यामुळे सगळीकडे धुराचे लोट दिसत होते. त्यामुळं तिथं बघ्यांची गर्दी झाली. परंतु टेकडावर घर असल्यामुळे वारेमोड जोरात होती. त्यामुळे आग विझवताना नागरिकांना त्रास झाला. घरातील वस्तू पुर्णपणे जळाल्या असल्याचे दिसत आहेत. त्यांना मदत करावी अशी मागणी गावातील नागरिकांनी केली आहे. त्याचं हातावर पोट आहे.