Nashik Accident | कसारा घाटात एकामागून एक दोन अपघात, आधी आयशर पलटली, नंतर कंटेनर-कार अपघातात सहा महिला जखमी

नाशिक : नाशिक मुंबई महामार्गावर (Nashik Mumbai Highway) नवीन कसारा घाटात एकामागून एक असे दोन अपघात झाले. पहिल्या अपघातात ब्रेक फेल झालेल्या आयशर वाहनाचा (Eicher Accident) अपघात झाला. ब्रेक फेल झाल्यानंतर चालकाचा वाहनावरील ताबा सुटला. त्यानंतर पुढे जाणाऱ्या कार आणि ट्रकला आयशरने जोरदार धडक दिली. अपघातानंतर आयशर पलटी होऊन पडला. या अपघातात चौघे जण जखमी झाल्याची माहिती (Kasara Ghat Accident) आहे. जखमींपैकी एकाची प्रकृती गंभीर आहे, तर उर्वरित तिघे जण हे किरकोळ जखमी असल्याचं समोर आलं आहे. धक्कादायक म्हणजे या अपघातानंतर काही वेळात याच ठिकाणी आणखी एक अपघात झाला. कंटेनर चार गाड्यांना धडक दिल्याने सहा महिलांना किरकोळ दुखापत झाल्याचं वृत्त आहे.

नेमकं काय घडलं?

नाशिक मुंबई महामार्गावर नवीन कसारा घाटात आयशर वाहनाचा अपघात झाला. ब्रेक फेल झाल्यानंतर आयशर चालकाचे वाहनावरील नियंत्रण सुटले. त्यानंतर पुढे जाणारी गाडी आणि ट्रकवर आयशर जोरदार धडकली. त्यानंतर आयशर रस्त्यातच पलटी झाली.

या अपघातात एकूण चौघे जण जखमी झाल्याचं समोर आलं आहे. जखमींपैकी एकाची प्रकृती गंभीर आहे, तर उर्वरित तिघे जण हे किरकोळ जखमी आहेत.

तसेच हा अपघात झाल्यावर काही वेळाने याच ठिकाणी उतारावर उतरत असताना स्पीड ब्रेकरवर एका कंटेनरने सलग चार वाहनांना धडक दिली. यात सहा महिला किरकोळ जखमी झाल्या आहेत. महामार्ग पोलिसांनी तात्काळ घटनास्थळी धाव होत नरेंद्र महाराज रुग्ण संस्थानच्या मोफत रुग्णवाहिकेने पुढील उपचारासाठी इगतपुरी येथील ग्रामीण रुग्णालयात दाखल केले आहे. यामुळे काही काळ वाहतूक विस्कळित झाली होती.

संबंधित बातम्या :

इंदुरीकर महाराज अपघातातून बालंबाल बचावले, लाकडं नेणाऱ्या ट्रॅक्टरला कारची भीषण धडक

जालना-नांदेड रोडवर विचित्र अपघात, ट्रकच्या मागच्या बाजूवर कार धडकली, एअरबॅग उघडली अन् जीव वाचले!

एसटी आणि JSW च्या बसची समोरासमोर भीषण धडक, 55 प्रवासी जखमी