Bhandara Crime | कुणाला कल्पना होती.. दुकानासमोर झोपलेला भिकारीच चोर? भंडाऱ्यात पोलखोल, तब्बल 28 दुकानं उचकटली!

भंडारा : भंडाऱ्यात भिकाऱ्याचे सोंग घेत दुकानासमोर झोपुन रात्री तेच दुकान फोडून चोरी (Theft) करणाऱ्या सराईत गुन्हेगाराला पकडण्यात पोलिसांना अखेर यश आले. संतोष सुरेश राजपूत वय 37 वर्ष राहणार प्रतापनगर नागपुर असे अटक (Arrested) करण्यात आलेल्या आरोपीचे नावे आहे. संतोष हा एक सराईत गुन्हेगार असून आतापर्यंत त्याच्यावर तब्बल 30 गुन्हे नोंद असल्याची धक्कादायक माहिती पुढे आलीयं. संतोषवर भंडारा जिल्ह्यात 8 तर नागपुर (Nagpur) जिल्हात 22 दुकान फोडी आणि घर फोडीची नोंद आहे. त्याच्याकडून घर फोडीचे साहित्य ही जप्त करण्यात आले आहे.

भंडारा जिल्ह्यात 8 तर नागपुर जिल्हात 22 दुकान फोडी

भंडारा शहरातील मोठ्या बाजार परिसरात अनेक दिवसांपासून दुकान फोडीच्या घटना सातत्याने घडत होत्या. सततच्या दुकान फोडीच्या घटनांमुळे पोलिसांवर दबाब वाढला होता. यामुळे दुकान फोडी करणाऱ्या चोरांना पकडण्याचे मोठे आवाहन पोलिसांसमोर उभे होते. शहरातील दुकान फोडीमुळे पोलिसांवर टिका केली जात होती. यामुळे पोलिसांनी रात्रीची पेट्रोलिंग ही वाढवली होती. मात्र, असे असूनही दुकान फोडीच्या घटना घडतच होत्या.

नुकताच चोरी झाल्याचा संशय पोलिसांना आला आणि भांडाफोड झाली

रात्रीच्यादरम्यान पेट्रोलिंग करत असतांना भंडारा पोलिस पथकाला मोठ्या बाजारात एका दुकानाचे शटर उघडे दिसून आले. यामुळे नुकताच चोरी झाल्याचा संशय पोलिसांना आला. चोर आजुबाजुला असल्याचे लक्षात घेता पोलिसांनी अख्ख शहर पिंजुन काढले. दरम्यान मध्यरात्रीच्या सुमारास भंडारा बसस्थानक परिसरात आरोपी संतोष संशयितरित्या फिरत असल्याचे पोलिसांना आढळून आले.

आरोपीने 30 चोरीचे गुन्हे केल्याची दिली कबूली

संतोषला पोलिसांनी ताब्यात घेऊन अधिक चाैकशी केली असता त्याने आपला गुन्हा कबूल केला. त्याने भंडारा जिल्ह्यात 8 दुकान फोड्या तर नागपुर जिल्ह्यात 20 दुकानफोडी व 2 घर फोडी असे ऐकून 30 चोरीचे गुन्हे केल्याचे कबूल केले आहे. त्याच्याकडून घर फोडीचे साहित्य जप्त करण्यात आले आहे. या सराईत गुन्हेगाराच्या अटकेने अनेक गुन्हाची कबुली देखील मिळाली आहे.