Pimpri Chinchwad crime | सीए च्या परीक्षेत अपयश आल्याने तरुणीने उचलले ‘हे’ पाऊल… परिसरात खळबळ
या परीक्षेचा निकाल नुकताच जाहीर झाला आहे. निकाल पाहिल्‍यापासून ती घरात कोणाशीच बोलत नव्हती. दरम्यान, आज सकाळी पल्लवीने केबलच्या सहाय्याने गळफास घेऊन आत्महत्या केली.
पिंपरी – पिंपरी चिंचवड सनदी लेखापालच्या (सीए ) (Chartered Accountant)परीक्षेत अपयश आल्याने तरुणीने आत्महत्या केल्याची धक्कदायक घटना उघडकीस आली आहे. केशवनगर परिसरात ही घटना घडली आहे. पल्लवी संजय जाधव (24, रा. केशवनगर, चिंचवड) असे आत्महत्या (Suicide)केलेल्या तरुणीचे नाव आहे. या घटनेमुळे परिसरात खळबळ निर्माण झाली आहे. परिसरातील नागरिकांकडून हळहळ व्यक्त केली जात आहे. घटनेची माहिती मिळताच पोलिसांनी(Police) घटना स्थळावर धाव घेतली. पल्लवीने उचलेल्या टोकाच्या पाऊलचा मोठा धक्का कुटुंबियांना बसला आहे.
नेमकं काय झालं
मृत पल्लवी सनदी लेखापाल (सीए)च्या अभ्यासाची तयारी करत होती. यापूर्वीही तिने दोनवेळा सीएची परीक्षा दिली होती. मात्र त्यामध्ये तिला अपयश आले होते. यावेळी तिसऱ्यांदा तिने परीक्षा दिली होती. या परीक्षेचा निकाल नुकताच जाहीर झाला. मात्र त्यातही तिला अपयश आले. या परीक्षेचा निकाल नुकताच जाहीर झाला आहे. निकाल पाहिल्‍यापासून ती घरात कोणाशीच बोलत नव्हती. दरम्यान, आज सकाळी पल्लवीने केबलच्या सहाय्याने गळफास घेऊन आत्महत्या केली. पल्लवी पुन्हा परीक्षेत अपयशी ठरल्याने तिने नैराश्यातून आत्महत्या केल्याचे तिच्या नातेवाईकांनी पोलिसांना सांगितले आहे. पल्लवीचा मृतदेह शवविच्छेदनासाठी पिंपरी येथील यशवंतराव चव्हाण स्मृती रुग्णालयात हलवण्यात आला आहे. पुढील तपास पोलीस करीत आहेत.
Kirit Somaiya : ‘अमिताभ गुप्ता पुणे पोलिस आयुक्त नाही, तर ठाकरे-पवारांचा एजंट’ सोमय्यांचा आरोप
Photo : कोल्हापूरातील द्राक्ष महोत्सवाचा थेट ग्राहकांना लाभ, संकटावर मात करुन द्राक्षांचा गोडवा कायम
