चारित्र्याच्या संशयातून पतीने काढला पत्नीचा काटा; पोलिसांनी आरोपीला ठोकल्या बेड्या

जयवंत शिरतर | पुणे:  चारित्र्याच्या संशयातून पतीनेच पत्नीची हत्या केली आहे. जुन्नर तालुक्यातील तांदळवाडीमधून हा धक्कादायक प्रकार समोर आला आहे. सुरेश शिंदे असे आरोपीचे नाव आहे, तर संध्या शिंदे असे या मृत महिलेचे नाव आहे. सुरेश शिंदे हा सतत आपल्या पत्नीच्या चारित्र्यावर संशय घेत होता, त्यामधून त्यांच्यामध्ये सतत वाद होत होते. वाद इतका विकोपाला गेला की, आरोपीने संध्या यांची गळा दाबून हत्या केली. पोलिसांनी आरोपीला अटक केली आहे.

दारूच्या नशेत पत्नीची हत्या

घटनेबाबत अधिक माहिती अशी की, जुन्नर तालुक्यातील नगदवाडी परीसरातील तांदळवाडीमध्ये शिंदे यांचे कुंटुब वास्तव्यास आहे. आरोपी सुरेश शिंदे हा सतत आपल्या पत्नीच्या चारित्र्यावर संशय घ्यायचा, यावरून त्यांच्यामध्ये सतत वाद होत होते. आरोपीला दारूचे देखील व्यसन होते. आरोपी दारू पिऊन घरी आला आणि नशेत पत्नीबरोबर वाद घातला. वाद इतका टोकाला गेला की त्याने गळा दाबून तिची हत्या केली.

आरोपीला अटक

दरम्यान घटनेची माहिती मिळताच पोलीस घटनास्थळी हजर झाले, नारायणगाव पोलिसांनी आरोपीविरोधात गुन्हा दाखल केला असून, त्याला अटक करण्यात आली आहे. घटनेबाबत अधिक तपास सुरू असल्याची माहिती पोलिसांनी दिली. चारित्र्याच्या संशयातून आरोपीने पत्नीची हत्या केल्याची प्राथमिक माहिती समोर येत असल्याचे पोलिसांनी सांगितले.

संबंधित बातम्या

अंबरनाथमध्ये डोक्यात दगड घालून तरुणाची हत्या, तर्कवितर्कांना उधाण, पोलिसांकडून चौकशीला सुरुवात

Sulli Deal : ‘सुल्ली डील’ प्रकरणाची गृहमंत्र्यांकडून तात्काळ दखल, वळसे-पाटलांचे कठोर कारवाईचे आदेश

ट्रक अपघातात कामगार गंभीर जखमी; गडचांदूर -वनोजा मार्गावर संतप्त नागरिकांचे रास्तारोको आंदोलन