Indapur : इंदापूर भिशी फसवणूक प्रकरणात अखेर गुन्हा दाखल, दोघांना ताब्यात घेतले
लिलाव भिशीच्या माध्यमातून इंदापूरमधील शेकडो जणांची आतापर्यंत 200 कोटींहून अधिक आर्थिक फसवणूक झाल्याचे समोर आले आहे. भिशी चालक अनधिकृतरित्या ही लिलाव भिशी चालवत होते. हातगाडी, टपरी, पथारी, मोलकरीण, भाजी विक्रेते अशा किरकोळ व्यापाऱ्यांपासून मोठ्या व्यापाऱ्यांपर्यंत या भिशीत सहभाग होता.
इंदापूर : इंदापूर शहरातील भिशी प्रकरणात आज अखेर पोलिसांनी गुन्हा दाखल केला आहे. याप्रकरणी पाच भिशी चालकांवर इंदापूर पोलीस ठाण्यात गुन्हा दाखल करण्यात आला आहे. पुण्याच्या आर्थिक गुन्हे शाखेचे पाच अधिकारी व इंदापूर पोलीस पोलिसांनी भिशी चालकांच्या घरी छापा टाकला. या छाप्यात अनेक महत्त्वाची कागदपत्रे जप्त केली असून पोलिसांनी दोन जणांना ताब्यात घेतले आहे. (Indapur bhishi fraud case finally filed, Both were taken into custody)
लिलाव भिशीच्या माध्यमातून इंदापूरमधील शेकडो जणांची आतापर्यंत 200 कोटींहून अधिक आर्थिक फसवणूक झाल्याचे समोर आले आहे. भिशी चालक अनधिकृतरित्या ही लिलाव भिशी चालवत होते. हातगाडी, टपरी, पथारी, मोलकरीण, भाजी विक्रेते अशा किरकोळ व्यापाऱ्यांपासून मोठ्या व्यापाऱ्यांपर्यंत या भिशीत सहभाग होता. छोटी भिशी 5 ते 10 लाखापर्यंत आणि मोठी भिशी 50 लाख ते एक-दोन कोटींपर्यंत भिशीची रक्कम ठरवण्यात आली होती.
लिलाव भिशी नेमकी कशी चालवली जाते?
भिशीतील प्रत्येक सभासदाने ठरवलेली रक्कम ठरल्या दिवशी भिशी चालकाकडे आणून द्यायची असते. नंतर भिशी या रकमेचा लिलाव करतो. ज्याला पैशाची गरज असेल तो हा लिलाव वाढवत जातो. त्यानंतर भिशीचा लिलाव झालेली रक्कम कट करुन बाकीचे सभासदांना दिले जातात. यात राहिलेल्या रकमेच्या सर्वांमध्ये वाटून घेतले जाते. लिलाव भिषी व बिन व्याजी भिशी या दोन पैकी लिलाव बेसीस भिशी अत्यंत जोखिमपूर्ण व लाभदायकही ठरते. त्यामुळे अनेकजण रिस्क स्वीकारून या भिशीत उतरतात.
शेकडो जणांची आर्थिक फसवणूक
दरम्यान, इंदापूर शहराच्या बाजारपेठेतील जवळपास प्रत्येक व्यापारी लिलाव भिशीच्या विळख्यात अडकलेला आहे. एक भिशी चालक किंवा मध्यस्थी हा एका वेळी दहा ते पंधरा पुकार भिशी चालवित असतो. बहुतांश भिशी मध्येच बंद पाडून किंवा बंद पडल्यानंतर असे भिशी चालक अर्ध्यातून भिशी बुडवून फरार झाले आहेत. त्यामुळे यात शेकडो जणांची कोट्यवधीची आर्थिक फसवणूक झाली आहे. (Indapur bhishi fraud case finally filed, Both were taken into custody)
इतर बातम्या
