पुण्यात दोघांवर कोयत्याने प्राणघातक हल्ला, सात जणांचं फरार टोळकं अखेर जेरबंद

पुणे पोलिसांनी सात जणांच्या फरार टोळीला पेट्रोल पंपावरुन अटक केली. पूर्व वैमनस्यातून या आरोपींनी दोघा तरुणांवर प्राणघातक हल्ला केल्याचा आरोप झाला होता

पुण्यात दोघांवर कोयत्याने प्राणघातक हल्ला, सात जणांचं फरार टोळकं अखेर जेरबंद
सात जणांच्या टोळक्याला अटक

पुणे : पुण्यातील आंबेगाव खुर्द परिसरात दोन तरुणांवर लोखंडी कोयत्याने वार करणाऱ्या सात जणांना अटक करण्यात आली आहे. पुणे पोलिसांनी पेट्रोल पंपावर या फरार टोळक्याला जेरबंद केलं. पूर्व वैमनस्यातून आरोपींनी दोघा जणांवर प्राणघातक हल्ला केल्याचा आरोप आहे.

टोळीकडील घातक शस्त्रही जप्त

पुण्यातील भारती विद्यापीठ पोलीस स्टेशनचे पोलीस उपनिरीक्षक नितीन शिंदे आणि पोलीस अंमलदार धनाजी धोत्रे यांच्या पथकाने ही कामगिरी केली. तर या टोळीतील आणखी दोघांना नवीन कात्रज बोगद्याजवळून अटक करण्यात आली. त्यांच्याजवळ यावेळी असलेली घातक शस्त्र पोलिसांनी जप्त केली.

कोणाकोणाला अटक

लकी अरुण गायकवाड (वय 19), तुषार प्रकाश डोबे (वय 21), तेजस तुकाराम येनपुरे (वय 19), आदित्य जगमोहन सिन्हा (वय 18), सार्थक संगीत मिसाळ (वय 19), शुभम रविंद्र हिरे (वय 21), तुकाराम रामचंद्र येनपुरे (वय 52, सर्व रा. दत्तनगर, जांभुळवाडी रोड, पुणे) अशी अटक केलेल्या आरोपींची नावे आहेत. तर यातील एका अल्पवयीन आरोपीला ताब्यात घेत त्याची येरवडा येथील बाल सुधारगृहात रवानगी करण्यात आली आहे.

पुण्यात बिर्याणी हॉटेल मालकावर कोयत्याने वार

दुसरीकडे, पुण्यातील गारवा बिर्याणी हॉटेलमध्ये हॉटेल मालकावर कोयत्याने वार केल्याची घटना नुकतीच समोर आली होती. दोघे जण बिर्याणी घेण्यासाठी आले होते. त्यांच्याबरोबर मालकाची शाब्दिक आणि किरकोळ बाचाबाची झाली होती. त्याचा राग मनात धरुन दोघांनी त्यांच्या इतर साथीदारांना बोलावून घेतले. त्या दोघांनी आणि त्यांच्या साथीदारांनी हॉटेलमध्ये घुसून कोयत्यासारख्या धारदार हत्याराने त्यांना जीवे मारण्याच्या उद्देशाने वार केला. तेव्हा हॉटेल मालकाच्या शेजारी उभा असलेल्या कामगार इसराफिल हा मध्ये आल्याने तो वार त्याच्या डाव्या हाताच्या मनगटावर बसून तो गंभीर जखमी झाला.

संबंधित बातम्या :

पुण्यात बिर्याणी हॉटेल मालकावर कोयत्याने वार, वादानंतर ग्राहकाचा मित्रांना बोलावून हल्ला

ग्राहकांसोबत क्षुल्लक वाद, 18 वर्षीय वेटरची गोळी झाडून हत्या

VIDEO | मुंबईत भाजी विक्रेत्याला मारहाण CCTV मध्ये कैद, तिघांना बेड्या

Read Full Article

Click on your DTH Provider to Add TV9 MARATHI