Pune Crime| काय म्हणावं याला ! पिस्तूल परवाना मिळवण्यासाठी सरपंचानेच रचला स्वतःवरील हल्ल्याचा बनाव ; तपास सुरु

पुणे – जिल्ह्यात एकीकडे गुन्हेगारीच्या घटनांमध्ये वाढ होत असताना दुसरीकडे जिल्ह्यात पिस्तूल वापराच्या परवान्यासाठीच्या मागणीत वाढ होताना दिसत आहेत. पिस्तूल बाळगण्याचा परवाना मिळवण्यासाठीही अनेकजण धडपड करताना दिसून येत आहेत. अशातच एका धक्कादायक घटना समोर आली आहे. पिस्तुल बाळगण्याचा परवाना मिळावा यासाठी थेट स्वतःवर जीवघेणा हल्ला झाल्याचा बनाव रचल्याचेची चर्चा तालुक्यता रंगली आहे. तर झाले असे […]

प्रातिनिधीक फोटो

टीव्ही 9 मराठी डिजीटल टीम | Updated on: Dec 05, 2021 | 11:34 AM

पुणे – जिल्ह्यात एकीकडे गुन्हेगारीच्या घटनांमध्ये वाढ होत असताना दुसरीकडे जिल्ह्यात पिस्तूल वापराच्या परवान्यासाठीच्या मागणीत वाढ होताना दिसत आहेत. पिस्तूल बाळगण्याचा परवाना मिळवण्यासाठीही अनेकजण धडपड करताना दिसून येत आहेत. अशातच एका धक्कादायक घटना समोर आली आहे. पिस्तुल बाळगण्याचा परवाना मिळावा यासाठी थेट स्वतःवर जीवघेणा हल्ला झाल्याचा बनाव रचल्याचेची चर्चा तालुक्यता रंगली आहे.

तर झाले असे खेड तालुक्याच्या पूर्व भागातील एका गावच्या अतिउत्साही सरपंचावर काही महिन्यापूर्वी रस्त्यावर खुनी हल्ला झाल्याची तक्रार खेड पोलिसांत दाखल झाली होती. त्याबाबत पोलिसांनी दिलेल्या माहितीनुसार संबंधित सरपंच स्वतःच्या चारचाकी वाहनाने रात्रीच्या वेळी घरी परतत होता. त्याचवेळी अचानक समोरुन दोन दुचाकीवर चौघेजण आले. त्यांनी चाराचाकी वाहनाला आपल्या दुचाकी आडव्या लावल्या. त्यानंतर दगडाने चारचाकीच्या काचा फोडता त्यांनी पिस्तुल सरपंचावर रोखले . मात्र सरपंचाने चारचाकी वेगात पळवत स्वतःचा जीव वाचावला. असे त्याने पोलिसात दिलेल्या तक्रारीत म्हटले आहे.

कुठेही जखम नाही, मग हल्ला कसा झाला? अज्ञातांनी सरपंचावर हल्ला केला. मात्र यात सरपंचाला कोणत्याही प्रकारची इजा झाली नाही. त्यांना साधेकुठेही खरचटलेलेही दिसून आलेली नाही. इतके झाल्यावर शिवाय हल्लेखोर फक्त काच फोडून शांतपणे निघून गेले का? रात्री दहा वाजता घटना घडली मात्र जवळ लोकवस्ती असलेल्या आजूबाजूच्या गावातील नागरिकांनी ही वाहने पाहिली नसल्याचे पोलिसांच्या चौकशीत निष्पन्न झाले आहे. गेले अडीच महिने तपास केला मात्र पोलिसांना संशयास्पद काहीच मिळून आलेले नाही. त्याबाबत पोलीस काही सांगत नाहीत. मुळात आपल्या जीवाला धोका संभवतो हे दाखवण्यासाठी सरपंचाने हा तथाकथित बनाव केला होता. असे लोक तेव्हापासून आतापर्यंत याप्रकरणी बोलत आहेत. सरपंचाने काही दिवसांपूर्वी रीतसर पणे पिस्तूल परवान्यासाठी अर्ज केला होता. सहजरित्या आपल्याला हा परवाना मिळावा यासाठी हा सरपंचानेच हा बनाव रचल्याची चर्चा दबक्या आवाजात गावात सुरु आहे.

तपास सुरु आहे या प्रकरणाचा तपास अद्याप सुरु आहे. परंतु अडीच महिन्यात आम्हाला कोणत्याही प्रकारचे धागेदोरे मिळालेले नाहीत. आतापर्यंत या तपासात काहीच निष्पन्न झाले नाही. प्रकार घडण्यापूर्वी तक्रारदाराचा पिस्तुल परवाण्यासाठी अर्ज दाखल असल्याचे समजते. अशी माहिती खेडचे पोलीस निरीक्षक सतिश गुरव यांनी या दिली आहे.