पोलीस कॉन्टेबलची पबमध्ये पार्टी, फोटो ट्विट करत रवींद्र धंगेकर यांचा पुणे पोलीस आयुक्तांवर घणाघात
Pune ravindra dhangekar: आमदार रवींद्र धंगेकर यांनी पुणे बिघडवणाऱ्या या पोलीस कॉन्स्टेबलची तातडीने चौकशी करावी. त्याला निलंबित करा, अन्यथा ४८ तासांत त्याचे इतर व्हिडिओ देखील असेच ट्विट करण्यात येतील, असे म्हटले आहे.
पुणे येथील कल्याणीनगरमधील अपघात प्रकरणाची देशभरात चर्चा सुरु आहे. या अपघात प्रकरणात पुणे पोलिसांच्या भूमिकेवर प्रसार माध्यमे, सामाजिक संघटना आणि विरोधकांकडून प्रश्न चिन्ह उपस्थित केले जात आहे. या प्रकरणात पुणे पोलीस आयुक्त अमितेश कुमार यांनी भूमिका मांडली. त्यांनी पुणे पोलिसांवर कुठलाही दबाव नव्हता, कायद्यानुसार जे जे शक्य होते, ती सर्व प्रक्रिया केली असल्याचे म्हटले होते. पुणे पोलीस आयुक्तांच्या या पत्रकार परिषदेनंतर काँग्रेसचे आमदार रवींद्र धंगेकर यांनी गृहमंत्री देवेंद्र फडणवीस यांना ट्विट केले आहे. त्यात पुणे पोलीस कॉन्सटेबल पबमध्ये पार्टी करतानाचा फोटो दिला आहे.
काय म्हणतात रवींद्र धंगेकर
आमदार रवींद्र धंगेकर यांनी केलेल्या ट्विटमध्ये म्हटले आहे की, राज्याचे गृहमंत्री देवेंद्र फडणवीस यांना मी एक गोष्ट लक्षात आणून देऊ इच्छितो. कल्याणीनगर अपघातानंतर तपासात अक्षम्य चुका झाल्या आहेत. त्यानंतर पुणे शहराचे पोलीस कमिश्नर अमितेश कुमार यांना अजूनही कोणी दोषी आहेत असे वाटत नाही. अर्थात जो स्वतःच बिल्डरच्या पाकिटावर काम करतोय तो कसा कुणावर कारवाई करणार…? असो, आजपासून मी तुम्हाला दररोज एका पोलिस स्टेशनवर सुरू असलेल्या गैर-कारभाराची कथा पाठवणार आहे.
मुंढवा पोलीस ठाण्यातील प्रकार
आमदार रवींद्र धंगेकर यांनी मुंढवा पोलीस ठाण्यातील प्रकार ट्विट केला आहे. त्यात त्यांनी म्हटले आहे की, मुंढवा पोलीस स्टेशन अवघे ३ कर्मचारी चालवतात. त्यापैकी निलेश पालवे, काळे हे कॉन्स्टेबल सर्व पब्स आणि हॉटेलमधून हप्ते गोळा करण्याचे काम करतात, असा आरोप रवींद्र धंगेकर यांनी केला आहे. या आरोपासंदर्भात त्यांनी वॉटर्स नावाच्या पबमध्ये पार्टी करताना कॉन्सटेबल असल्याचा दावा केला आहे.
राज्याचे गृहमंत्री देवेंद्रजी फडणवीस यांना मी एक गोष्ट लक्षात आणून देऊ इच्छितो , कल्याणीनगर अपघातानंतर तपासात अक्षम्य चुका होऊन देखील पुणे शहराचे पोलीस कमिश्नर अमितेश कुमार यांना अजूनही कोणी दोषी आहेत असे वाटत नाही. अर्थात जो स्वतःच बिल्डरच्या पाकिटावर काम करतोय तो कसा कुणावर… pic.twitter.com/GP7uIC0JTk
— Ravindra Dhangekar Official (@DhangekarINC) May 24, 2024
पोलीस कॉन्स्टेबलची चौकशी करा
आमदार रवींद्र धंगेकर यांनी पुणे बिघडवणाऱ्या या पोलीस कॉन्स्टेबलची तातडीने चौकशी करावी. त्याला निलंबित करा, अन्यथा ४८ तासांत त्याचे इतर व्हिडिओ देखील असेच ट्विट करण्यात येतील, असे म्हटले आहे.
