पुण्यात हिताची बँकेच्या ATM मध्ये स्फोट, चोरीच्या उद्देशाने एटीएम उडवल्याचा संशय

चाकण एमआयडीसीमध्ये असलेल्या हिताची बँकेच्या एटीएममध्ये स्फोट झाला. या स्फोटात ATM सह समोरील काचांचा चक्काचूर झाला.

पुण्यात हिताची बँकेच्या ATM मध्ये स्फोट, चोरीच्या उद्देशाने एटीएम उडवल्याचा संशय
चाकण MIDC मध्ये एटीएममध्ये स्फोट

पुणे : हिताची बँकेच्या एटीएममध्ये स्फोट झाल्याची घटना उघडकीस आली आहे. पुणे जिल्ह्यात चाकण औद्योगिक वसाहत परिसरात भांबोली फाटा येथे ही घटना घडली. चोरीच्या उद्देशाने हा स्फोट घडवला असल्याचा पोलिसांचा प्राथमिक अंदाज आहे.

नेमकं काय घडलं?

चाकण एमआयडीसीमध्ये असलेल्या हिताची बँकेच्या एटीएममध्ये स्फोट झाला. या स्फोटात ATM सह समोरील काचांचा चक्काचूर झाला. सुदैवाने या स्फोटात कुठलीही जीवितहानी झाली नाही. मात्र एटीएममधून किती रोकड चोरीला गेली, हे अद्याप स्पष्ट झालेलं नाही. महाळुंगे पोलीस आणि बॉम्ब शोधक पथक घटनास्थळी दाखल झाले.

पैसे लुटण्याची नवीन मोडस ऑपरेंडी

जिलेटीनच्या सहाय्याने एटीएम उडवण्याचा प्रयत्न झाल्याचा संशय आहे. स्फोट करत पैसे लुटण्याची नवीन मोडस ऑपरेंडी चोरट्यांनी अंमलात आणल्याचं दिसत आहे. याआधी पुणे जिल्ह्यातच शिरुरमधील रांजणगाव गणपती परिसरात देखील असा प्रकार उघडकीस आला होता.

नागपूरमध्ये एटीएममधून हायटेक चोरी

दुसरीकडे, एटीएममधून पैसे काढायचे मात्र त्याची नोंद कोणत्याही खात्यावर न होता सरळ बँकतून पैसे मात्र जात होते. हायटेक पद्धतीचा वापर करुन नागपुरातील वेगवेगळ्या भागातील एटीएममधून पैसे चोरणाऱ्या सायबर गॅंगला नुकतंच नागपूर पोलिसांनी जयपूरमधून अटक केली आहे. अनिस अब्दुल गफ्फुर आणि मोहमद तारीफ उमर हरियाणा अशी आरोपींची नावं आहेत. त्यांनी देशभरात अशाप्रकारे लूट केली असून त्यांची मोठी गॅंग असण्याचा संशय पोलिसांना आहे.

संबंधित बातम्या :

एटीएममधून हायटेक चोरी, सायबर गॅंगला नागपूर पोलिसांकडून जयपूरमध्ये अटक

म्होरक्या येरवडा तुरुंगात, टोळीच्या सदस्यांची मौजमजेसाठी चोरी, दोघे अटकेत

(Pune Chakan MIDC Hitachi Bank ATM Blast)

Click on your DTH Provider to Add TV9 MARATHI