Pune murder : 18 वर्षांच्या तरुणीचा गळा दाबून खून! चाकणमधील धक्कादायक घटना, हत्येचं नेमकं कारण काय?

पुणे : पुणे जिल्ह्यातील चाकणमध्ये (Chakan Murder) धक्कादायक घटना उघडकीस आली आहे. एका तरुणीचा गळा दाबून खून (Murder News) करण्यात आलाय. ही तरुणी 18 वर्षांची होती. या घटनेनं संपूर्ण चाकण हादरुन गेलंय. घरात कुणीही नसताना आरोपी विष्णूकुमार सहा याने प्रीती सहा हिची गळा दाबून हत्या केली. याप्रकरणाची माहिती मिळाल्यानंतर चाकण पोलिसांनी (Pune Crime News) आरोपी विष्णूकुमार सहा याला अटकही केली आहे. अटक करण्यात आलेल्या आरोपीची पोलिसांकडून कसून चौकशी केली जाते आहे. याप्रकरणी हत्येचं कारणंही समोर आलं आहे. रागाच्या भरात विष्णूकुमारने हे कृत्य केलं. त्याआधी विष्णूकुमारला ज्या गोष्टीचा राग आला होता, ते कारणंही हारवणारं आहे.

का केला खून?

विष्णूकुमार आणि हत्या झालेल्या प्रिती सहा हीची आई, एकाच कंपनीमध्ये काम करत होते. प्रितीच्या आईने विष्णूकुमारशी बोलत नव्हतं. आई बोलत नाही, म्हणून विष्णूकुमारशी प्रितीनेही बोलणं थांबवलं होतं. आई बोलत नाही याचा राग विष्णूकुमारच्या मनात खदखदत होता. विष्णूकुमारशी वाद झाल्यामुळे प्रितीच्या आईने आरोपी विष्णूसोबत बोलणं थांबवलं होतं.

उलगडा कसा झाला?

प्रितीची आई बोलत नाही, याचा राग आधीत विष्णूकुमारच्या डोक्यात होता. आधीच चिडलेल्या विष्णूकुमारने सकाळी घरात कुणीही नसताना प्रितीचा गळा दाबला आणि तिचा खून केला. यानंतर तो त्याच्या खोलीत जाऊन शांतपणे बसला होता. याप्रकरणाचा उलगडा झाल्यानंतर पोलिसांनी विष्णूकुमारला ताब्यात घेतलं आणि त्यानंतर त्याची चौकशीही सुरु केलीये. या घटनेनं चाकण हादरुन गेलंय.

सगळ्यात मोठी राजकीय घडामोडी : Video

घराशेजारी राहणाऱ्या एका लहान मुलीने विष्णूकुमार प्रितीचा गळा दाबतोय हे पाहिलं होतं. तिला संशय आला. तिने याबाबतची माहिती दिल्यानंतर हा सगळा घटनाक्रम उघडकीस आला. पोलिसांना याबाबत कळवण्यात आलं. याप्रकरणी चाकण पोलिसांनी तपास करत अखेर आरोपीच्या मुसक्या आवळल्या आहेत. सध्या या प्रकरणी अधिक तपास केला जातोय.