कुरकुरे देण्याच्या बहाण्याने पुण्यात चिमुरडीवर बलात्कार, 30 वर्षीय बिहारी तरुणाला अटक

चार वर्षांची पीडित बालिका घराजवळ खेळत असताना आरोपी मजुराने कुरकुरे खायला देण्याचा बहाणा करुन तिला जवळ बोलावलं. त्यानंतर चिमुरडीवर त्याने बलात्कार केल्याचा आरोप आहे.

कुरकुरे देण्याच्या बहाण्याने पुण्यात चिमुरडीवर बलात्कार, 30 वर्षीय बिहारी तरुणाला अटक
लग्नाचे आमिष दाखवून लैंगिक छळ करणाऱ्या आरोपीला तेलंगणातून अटक

पुणे : चार वर्षांच्या मुलीवर बलात्कार झाल्याची धक्कादायक घटना पुण्यात उघडकीस आली आहे. कुरकुरे खायला देण्याचा बहाणा करुन बिहारी मजुराने चिमुरडीवर बलात्कार केल्याचा आरोप आहे. पीडितेच्या आईच्या तक्रारीनंतर 30 वर्षीय आरोपीला अटक करण्यात आली आहे. या घटनेमुळे पुणे परिसरात एकच खळबळ उडाली आहे. (Pune Loni Kalbhor 4 years old girl allegedly raped by Bihar labor)

मन्नूकुमार मनोज सिंग (वय 30, मूळ रा. बिहार) असे अटक केलेल्या आरोपीचे नाव आहे. पीडित कुटुंब पुण्यातील लोणी काळभोर परिसरात राहतं. तर मूळ बिहारचा असलेला 30 वर्षीय आरोपीही तिथेच मजुरी करतो. चार वर्षांची पीडित बालिका घराजवळ खेळत असताना आरोपी मजुराने कुरकुरे खायला देण्याचा बहाणा करुन तिला जवळ बोलावलं. त्यानंतर चिमुरडीवर त्याने बलात्कार केल्याचा आरोप आहे.

कशी उघडकीस आली घटना?

मुलगी रडत घरी आल्यानंतर आईने तिला कारण विचारलं. त्यावेळी तिने घडलेला प्रकार आईला सांगितला. या प्रकरणी पीडित मुलीच्या आईने लोणी काळभोर पोलिस ठाण्यात फिर्याद दिली होती. लोणी काळभोर पोलिसांनी तात्काळ आरोपीला बेड्या ठोकल्या. आरोपीनेही  गुन्ह्याची कबुली दिली आहे. त्याला सात जुलैपर्यंत पोलीस कोठडी सुनावण्यात आली आहे.

पुण्यात बालिकेवरील बलात्काराची पुनरावृत्ती

पुण्याच्या विमाननगरमध्ये पाच वर्षांच्या चिमुरडीवर बलात्कार झाल्याची संतापजनक घटना काही महिन्यांपूर्वीही समोर आली होती. एका हॉटेलच्या सुरक्षारक्षकाने पाच वर्षांच्या चिमुरडीवर बलात्कार केल्याचा आरोप होता. पीडित चिमुरडी आपल्या आई-वडिलांसोबत एका लेबर कॅम्पमध्ये राहत होती. आई-वडील दोघेही कामावर गेल्यानंतर ती घरी एकटीच असते, हे आरोपीने हेरले होते. दुपारच्या सुमारास पाच वर्षांच्या चिमुरडीला तिच्या घरातून बाहेर बोलावत आरोपीने तिला आपण काम करत असलेल्या हॉटेल शेजारील एका चारचाकी शोरुमच्या पार्किंगमध्ये नेलं होतं, त्यानंतर तिच्यावर बलात्कार केल्याचा आरोप झाला होता.

संबंधित बातम्या :

जुन्या प्रेमावरुन वाद, रागाच्या भरात प्रियकराकडून चाकूने वार, महिलेची प्रकृती नाजूक

आई वडील कामावर, घरी एकटीच, आरोपीने हेरलं, पुण्यात पाच वर्षीय चिमुरडीवर नराधमाचा बलात्कार

(Pune Loni Kalbhor 4 years old girl allegedly raped by Bihar labor)

Read Full Article

Click on your DTH Provider to Add TV9 MARATHI