दोघा मैत्रिणींच्या आत्महत्येनं पुणे हादरलं! वय अवघं 19 वर्षं, आत्महत्येचं कारण काय?

पुणे : पुणे (Pune crime News) जिल्ह्यातील हडपसरमध्ये (Pune suicide news) दोघा मैत्रिणींनी आत्महत्या केल्यानं खळबळ उडाली आहे. हडपसर पोलिस (Hadapsar Police) स्थानकाच्या हद्दीत ही घडना घडली. मंगळवारी संध्याकाळी सात वाजण्याच्या सुमारास हा धक्कादायक प्रकार उघडकीस आलाय. यापैकी एका मैत्रिणीनं गळफास लावून आपलं आयुष्य संपवलं तर दुसऱ्या मैत्रिणीने थेट पाचव्या मजल्यावरुनच उडी टाकली.

वय 19, दोनमैत्रिणींची आत्महत्या

हडपसर जवळील शेवाळवाडी इथं दोन मैत्रिणीनी आत्महत्या केली. मंगळवारी संध्याकाळी ही धक्कादायक घटना उघडकीस आल्यानं सगळ्यांच्याच पायाखालची जमीन सरकली. आत्महत्या केलेल्या दोन्ही मैत्रिणींचं वय अवघं 19 वर्ष असल्याची माहिती समोर आली आहे. यातील एका मैत्रिणीचं नाव आकांक्षा औदुंबर गायकवाड आहे. तर दुसऱ्या मैत्रिणीचं नाव सानिका हरिश्चंद्र भागवत आहे.

कशी केली आत्महत्या?

सानिका भागवत हीने गळफास लावून आत्महत्या केली. तर आकांक्षाने इमारतीच्या पाचव्या मजल्यावर उडी टाकली आणि जीव दिला. सानिका हीने राहत्या घरातच गळफास लावून घेतल्यानं तिच्या कुटुंबीयांना मोठा धक्काच बसला.

पाचव्या मजल्यावरुन उडी टाकल्यामुळे आकांक्षा हीचा जागीच मृत्यू झाला. आकांक्षाने पाचव्या मजल्यावरुन जेव्हा उडी टाकली, तेव्हा ती वरुन थेट एका रुग्णवाहिकेच्या जवळच कोसळली. पाचव्या मजल्यावरुन कोसळल्यामुळे आकांक्षाला मोठ्या प्रमाणात गंभीर जखम होऊन ती रक्तबंबाळ झाली होती.

LIVE Video : पाहा लाईव्ह घडामोडी

आत्महत्येचं कारण काय?

दोन्ही मैत्रिणींनी एकाच दिवशी आत्महत्या केल्यानं या प्रकरणाचं गूढ अधिक वाढलंय. दरम्यान, हडपसर पोलिसांनी दोघींचेही मृतदेह ताब्यात घेतले आहे. उत्तरीय तपासणीसाठी दोन्ही मृतदेत पाठवण्यात आले आहेत.  सध्या या आत्महत्याप्रकरणी पुढील तपास केला जातोय.

आकांक्षा आणि सानिका या दोन्ही मुलींच्या आत्महत्येचा एकमेकांशी काही संबंध आहे का, याचाही तपास पोलिस करत आहेत. अजूनही या दोघींच्याही आत्महत्येचं कारण समजू शकलेलं नाही. या दोन्ही आत्महत्येचा छडा लावण्याचं आव्हान आता हडपसर पोलिसांच्या समोर उभं ठाकलंय.