Video: काय बाईए! एक दिवसाचं बाळ चक्क बॅगेतून पळवलं! नर्स असल्याचं भासवून चिमुरड्याची चोरी, ठिकाण- सांगली
Sangli Crime News : सांगलीच्या तासगावात सकाळी आठ वाजण्याच्या सुमारास हा प्रकार घडला.
सांगली : बाळ चोरी (Sangli News) होण्याच्या घटना महाराष्ट्रासाठी नव्या नाहीत. पण बाळ चोरीसाठी महिलेचं सांगलीत (Sangli Crime News) जे केलं, ते भयंकरच होतं. सांगलीत एका महिलेनं एक दिवसांचं बाळ चोरून नेलं. चक्क बॅगेत तिनं एक दिवसांच्या चिमुरड्याला कोंबलं आणि हॉस्पिटलमधून निघून गेली. ही घटना सीसीटीव्ही कॅमेऱ्यातही कैद झाली आहे. दरम्यान, हे बाळ ज्या महिलेचं होतं, तिच्या अश्रूंचा बांध फुटलाय. आपलं नवजात बाळ चोरीला गेल्यानं त्या आईची काय अवस्था झाली आहे, याची निव्वळ कल्पनाच केलेली बरी. आता या संपूर्ण चोरीप्रकरणी बाळ पळवणाऱ्या महिलेचा शोध पोलिसांकडून घेतला जातो आहे. या महिलेची ओळख पटवण्याचं काम सांगली पोलिसांकडून केलं जातंय. सध्या सीसीटीव्ही फुटेज (CCTV Video) पोलिसांच्या हाती लागलंय. या सीसीटीव्ही फुटेजमध्ये एक महिला हॉस्पिटलमध्ये येताना आणि घाईघाईनं पळ काढताना कॅमेऱ्यात कैद झालीय.
नेमकं सांगलीत कुठं?
सांगलीच्या तासगावात सकाळी आठ वाजण्याच्या सुमारास हा प्रकार घडला. डॉ. अंजली पाटील यांच्या दवाखान्यात नुकतीच एका महिलेचा प्रसूती झाली होती. दरम्यान, रविवारी सकाळी एक महिला या दवाखान्यात आली. लाल रंगाच्या साडीमध्ये या महिलेनं दवाखान्यात प्रवेश केला. दवाखान्यात येत असताना ही महिला सीसीटीव्ही कॅमेऱ्यात दिसून आली आहे.
सीसीटीव्ही कैद
दवाखान्यात गेल्यानंतर ही महिला नर्सचा वेश धारण करते. आपण नर्स असाल्याचं भासवते. त्यानंतर ही महिला प्रसूती झालेल्या महिलांच्या वॉर्डमध्ये जाते. तिथून ती बाळाला आपल्या बॅगमध्ये टाकते आणि क्षणार्धात रुग्णालयातून पळ काढते. रुग्णालयातून बाहेर पडताना या महिलेची धावपळ पुन्हा त्यात सीसीटीव्ही कॅमेऱ्यात कैद झाली आहे. बाळ चोरी झालंय, हे ध्यानात आल्यानंतर प्रसूती झालेल्या आईसह रुग्णालय प्रशासनालाही मोठा धक्का बसलो. यानंतर पोलिसांत याप्रकरणी करण्यात आली. पोलिसांनी आजूबाजूचं सीसीटीव्ही तपासून घेतलं असून त्यात बाळ चोरी करणारी महिला दिसून आलीय.
पाहा व्हिडीओ :
हे सांगली आहे, इथं काहीही होऊ शकतं! चक्क काखेतल्या बॅगेत बाळ कोंबलं आणि पळाली, सांगलीच्या तासगावातील एक दिवसाच्या बाळाची चोरी #Sangali #Police #crime pic.twitter.com/dYRyelZ54M
— Siddhesh Sawant (@ssidsawant) July 24, 2022
आता सांगली पोलिसांकडून या बाळचोरी प्रकरणी आरोपी महिलेची पोलिसांकडून ओळख पटवील जातेय. तसंच तिचा शोध घेण्यासाठी पथकंही तैनात करण्यात आली असून या महिलेला पकडण्याचं आणि एक दिवसाचं बाळ सुखरुप पुन्हा त्याच्या आईजवळ सोपवण्याचं आव्हान तासगाव पोलिसांसमोर उभं ठाकलंय.
