अल्पवयीन मुलीवर अत्याचार करणाऱ्या नराधमाला 10 वर्षांचा कारावास

सांगली : एका अल्पवयीन मुलीला फूस लावून तिच्यावर लैंगिक अत्याचार केल्याप्रकरणी 10 वर्षांची शिक्षा सुनवण्यात आली आहे. कवठेमहांकाळ येथील तरुणास दहा वर्षांची तुरुंगवासाची शिक्षा ठोठावण्यात आली आहे. अजय शिंदे असे या आरोपीचे नाव आहे. सांगली जिल्हा सत्र न्यायालयाने शिक्षा सुनावली आहे. (Sangli sexually abusing girl Accused sentenced 10 years prison)

सांगली जिल्ह्यातील कवठेमहांकाळ तालुक्यातील कुची या ठिकाणी एका अल्पवयीन मुलीला फूस लावून पळवून नेले होते. त्यानंतर तिच्यावर अत्याचार केल्याची घटना 16 जून 2016 रोजी घडली होती.

याप्रकरणी कवठेमहांकाळ पोलिसांनी अजय शिंदे याला पीडित मुलीसह परभणीतून ताब्यात घेण्यात आले. त्यानंतर कवठेमहांकाळ पोलीस ठाण्यामध्ये अजय शिंदे यांच्या विरोधात गुन्हा दाखल केला होता. या खटल्याची सुनावणी सांगली जिल्हा सत्र न्यायालयामध्ये सुरू होती.

या प्रकरणी गुरुवारी जिल्हा सत्र न्यायालयाने प्रत्यक्षदर्शी साक्षीदार आणि उपलब्ध पुरावे यांच्याआधारे अजय शिंदे याला दोषी ठरवले आहे. त्याला सश्रम कारावास आणि 25 हजार दंडाची शिक्षा सुनावली आहे. तसेच हा दंड न भरल्यास एक वर्ष सश्रम कारावासाची शिक्षा सुनावली आहे. जिल्हा सत्र न्यायाधीश डी.एस.हातरोटे यांनी ही शिक्षा सुनावली आहे. (Sangli sexually abusing girl Accused sentenced 10 years prison)

संबंधित बातम्या : 

डांबून ठेवले, चाकूचा धाक दाखवला; आजोबांची आजीविरोधात पोलिसात धाव

पाचशे रुपयांसाठी नोकरी धोक्‍यात, लाचलूचपत विभागाने रंगेहाथ पकडलं