Bhusawal : चंद्रकांत बढे यांच्यासह सात संचालकांना अटक, बुलडाणा सीआयडी पथकाची कारवाई
बुलडाणा येथील ठेवीदाराने बढे पतसंस्थेत दोन लाख २० हजार रुपयांची रक्कम मुदत ठेव म्हणून ठेवली होती. या रकमेची मुदत 19 ऑक्टोबर 2013 रोजी संपली होती. त्यानंतरही ही रक्कम न मिळाल्याने गुन्हा दाखल करण्यात आला होता.
भुसावळ – भुसावळ (bhusawal) तालुक्यातील वरणगाव (warangaon) येथील चंद्रकांत हरी बढे पतसंस्थेत ठेवलेली मुदत ठेवीची रक्कम वेळेवर परत न दिल्याने चेअरमन चंद्रकांत बढे (chandrakant badhe) यांच्यासह सात संचालकांना बुलडाणा सीआयडी पथकाने अटक केली आहे. चंद्रकांत हरी बढे, राजेंद्र विश्वनाथ चौधरी, भागवत मुरलीधर पाटील, बळिराम केशव माळी, गोविंद ज्ञानेश्वर मांडवगणे, भिकू शंकर वंजारी, विजय गणपत वाघ या सात संचालकांचा सीआयडी पथकाने ताब्यात घेतले आहे. त्यांची खोलवर तपासणी करण्यात येणार असल्याची माहिती मिळाली आहे. तसेच आत्तापर्यंत पतसंस्थेविरोधात किती लोकांनी तक्रारी केल्या आहेत याची सुध्दा चौकशी होणार आहे. अनेक लोकांनी तक्रारी केल्या असल्याची प्राथमिक माहिती समजली आहे. विशेष म्हणजे अनेक ठेवीदारांना वेळेत रक्कम मिळत नाही.
सात संचालकांना अटक केली
बुलडाणा येथील ठेवीदाराने बढे पतसंस्थेत दोन लाख २० हजार रुपयांची रक्कम मुदत ठेव म्हणून ठेवली होती. या रकमेची मुदत 19 ऑक्टोबर 2013 रोजी संपली होती. त्यानंतरही ही रक्कम न मिळाल्याने गुन्हा दाखल करण्यात आला होता. या प्रकरणी पथकाने वरणगाव शहरात येऊन या पतसंस्थेच्या सात संचालकांना अटक केली.या पथकामध्ये उपविभागीय अधिकारी अनिल पवार, उपविभागीय अधिकारी यांचा समावेश आहे. संचालकांना ताब्यात घेतल्यापासून त्यांची आणि पतसंस्थांची कसून चौकशी सुरू आहे.
