मोठी अपडेट! सोनमला जराही पश्चाताप नाही, कैद्यांसोबत मजामस्ती सुरु; तुरुंगात नेमकं काय सुरु

मेघालयची राजधानी शिलाँगमध्ये हनीमूनदरम्यान पती राजा रघुवंशी याला प्रियकर राज कुशवाहासोबत कट रचून मारणाऱ्या सोनम रघुवंशीला तुरुंगात एक महिना पूर्ण झाला आहे. आपल्या पतीच्या खुनाची मास्टरमाइंड असणारी सोनम तुरुंगात कशी आहे? तिच्या तुरुंगातील हालचाली काय आहेत, तिला कोणी भेटायला येते का, तिला आपल्या कृत्याचा पश्चाताप आहे का? असा प्रश्न सर्वांना पडला आहे. आता याबाबत अपडेट समोर आली आहे.

कुटुंबातील कोणी भेटायला आले नाही

सोनम रघुवंशी 21 जूनपासून तुरुंगात आहे, म्हणजेच तिला तुरुंगात एक पूर्ण महिना झाला आहे. सोनमबाबत आता मोठी माहिती समोर आली आहे. सोनमला गेल्या एक महिन्यापासून तुरुंगात कोणी भेटायला आले नाही, ना तिचा भाऊ, ना वडील, ना आई, ना कोणी ओळखीचे. पण याचा सोनमला काही पडत नाही, ती आपल्या कुटुंबीयांची आठवणही काढत नाही. तसेच तिला राजा रघुवंशीच्या खुनाचा कोणताही पश्चाताप नाही, ती याबाबत तुरुंगात कोणाशीही बोलत नाही.

वाचा: जबरदस्ती इंजेक्शन दिलं अन्… प्रॉपर्टीसाठी सख्ख्या बहिणीसोबत भयंकर कृत्य; नराधमाच्या कृत्याने खळबळ!

कैद्यांमध्ये मिसळली

सूत्रांनुसार, सोनमला तुरुंगात इतर महिला कैद्यांसोबत ठेवले आहे आणि ती त्यांच्याशी चांगली मिळून-मिसळून राहते. तिला आपल्या कृत्याचा कोणताही पश्चाताप नाही, कारण गेल्या एका महिन्यात तिने तुरुंग प्रशासन किंवा कोणत्याही कैद्याशी याबाबत कोणताही खेद व्यक्त केलेला नाही. ती इतर महिला कैद्यांशी किंवा तुरुंग प्रशासनाशी आपल्या खटल्याबाबत किंवा वैयक्तिक आयुष्याबाबत बोलत नाही. ती तुरुंगाच्या वातावरणात चांगलीच रुळली आहे. तुरुंगातील वातावरण तिच्यासाठी सुलभ होत आहे आणि ती इतर विचाराधीन कैद्यांप्रमाणे कोणत्याही विशेष वागणुकीशिवाय राहत आहे. सध्या तिला तुरुंगात कोणतेही विशेष काम देण्यात आलेले नाही, कारण ती अजून विचाराधीन कैदी आहे. सोनम इतर महिला कैद्यांप्रमाणे दररोज सकाळी वेळेवर उठते आणि तुरुंगाच्या नियमांचे पालन करते.

सोनमवर 24 तास सीसीटीव्ही निगरानी

सोनम ही तुरुंगातील दुसरी महिला कैदी आहे जी खुनाच्या प्रकरणात तुरुंगात आहे. खुनाच्या प्रकरणात दोषी ठरलेली एक महिला यापूर्वीच तुरुंगात आहे. या तुरुंगात एकूण 496 कैदी आहेत, त्यापैकी केवळ 19 महिला कैदी आहेत. सोनम ही 20वी महिला कैदी आहे. सोनमला तुरुंगातील वॉर्डनच्या कार्यालयाजवळ असलेल्या तुरुंगात ठेवण्यात आले आहे. तिच्यासोबत दोन वरिष्ठ विचाराधीन महिला कैदी राहत आहेत. सोनमवर 24 तास सीसीटीव्ही कॅमेऱ्यांद्वारे निगरानी ठेवली जाते.

सोनमला टीव्ही पाहण्याची परवानगी

सोनमला टीव्ही पाहण्याची सुविधा आहे आणि तुरुंगाच्या नियमांनुसार कुटुंबीयांना भेटण्याची आणि बोलण्याची सुविधा आहे, पण तिला कोणी भेटायला आले नाही किंवा कोणी फोनवर बोलले नाही. तिला तुरुंगात इतर महिला कैद्यांसोबत शिवणकाम आणि कौशल्य विकासाशी संबंधित इतर कामे शिकवली जाणार आहेत.