नाशिकच्या व्यावसायिकांमध्ये कोयता गँगची दहशत, गुंडांच्या दादागिरीचा व्हिडीओ सीसीटीव्हीत कैद

नाशिक रोडच्या मुक्तीधाम परिसरात काहीजण कोयता आणि तलवारीचा धाक दाखवून दुकानदारांकडून पैसे वरुली करत असल्याचं समोर आलंय. दरम्यान या कोयता गँगची दहशत सीसीटीव्ही फुटेजमध्ये कैद झालीय.

नाशिकच्या व्यावसायिकांमध्ये कोयता गँगची दहशत, गुंडांच्या दादागिरीचा व्हिडीओ सीसीटीव्हीत कैद
कोयता गँगची दहशत


नाशिक : शहरात पुन्हा एकदा गुंडगिरीनं डोकं वर काढलं आहे. शहरात सध्या कोयता गँगची दहशत पाहायला मिळतेय. नाशिक रोडच्या मुक्तीधाम परिसरात काहीजण कोयता आणि तलवारीचा धाक दाखवून दुकानदारांकडून पैसे वरुली करत असल्याचं समोर आलंय. दरम्यान या कोयता गँगची दहशत सीसीटीव्ही फुटेजमध्ये कैद झालीय. कोयता गँगच्या दहशतीमुळे इथले दुकानदार हैराण झाले आहेत. मात्र, पोलिसांकडून या गुंडांवर अद्याप कारवाई झालेली नाही. (Terror of Koyata Gang among traders in Nashik Road area)

नाशिक रोडच्या मुक्तीधाम परिसरातील दुकानदारांना कोयता गॅंगच्या दहशतीखाली राहावं लागत आहे. दर महिन्याला 2 ते 3 गुंड हातात कोयता, तलवारी आणि धारदार शस्त्र घेऊन थेट दुकानात शिरता आणि दुकानदारांना दमदाटी करून पैशाची मागणी करतात. हे गुंड शस्त्रास्त्रे घेऊन आल्यामुळे आम्हाला प्रतिकार करता येत नाही. असं इथले व्यवसायिक सांगत आहेत. विशेष म्हणजे या गुंडांकडून इथल्या व्यावसायिक महिलांनाही अश्लील शिवीगाळ करत दमबाजी करायलाही कोयदा गँगचे गुंड मागेपुढे पाहत नाहीत. दरम्यान या कोयता गॅंगच्या दादागिरीचा व्हिडीओ सीसीटीव्ही कॅमेरात कैद झाल्यामुळे पोलीस किमान आतातरी या गुंडांना पकडून पोलिसी खाक्या दाखवतील अशी अपेक्षा व्यावसायिक व्यक्त करत आहेत.

व्यापारी संघटना पोलीस आयुक्तांना निवेदन देणार

या कोयता गँगचे पाच सदस्य दुचाकीवरुन येतात आणि रोकड, कपडे, विकाऊ वस्तू घेऊन पसार होतात. उपनगर पोलिसांनी व्यावयासिकांना लुटणाऱ्या या कोयता गँगचा बंदोबस्त करावा अशी मागणी व्यापारी संघटनेकडून करण्यात आली आहे. याबाबत पोलीस आयुक्तांची भेट घेऊन एक निवेदन दिलं जाणार असल्याची माहिती व्यापारी संघटनेनं दिलीय. दरम्यान, अनेक वेळा पोलिसांकडे तक्रारी दिल्या. मात्र, अद्याप या गँगवर कोणतीही कारवाई झाली नाही, असं या व्यावसायिकांनी म्हटलंय.

नाशिकमध्ये गॅसच्या स्फोटात स्वयंपाकी ठार

जुन्या मुंबई-आग्रा रोडवरील हॉटेल रामा हेरिटेजमध्ये शुक्रवारी रात्री साडेअकराच्या सुमारास गॅस गळती झाली. गॅस गळतीमुळे स्फोट झाला. त्यात रूपेश गायकवाड या स्वयंपाक्याचा जागीच मृत्यू झाला. स्फोट इतका भीषण होता की, त्याचा आवाज दूरवर गेला. हॉटलेच्या किचनमधील साहित्याची नासधूस झाली. रूपेश यांचा मृत्यू स्फोटामुळे नव्हे, तर घातपातामुळे झाल्याचा आरोप नातेवाईकांनी केला. त्यामुळे काही काळ तणावाचे वातावरण निर्माण झाले होते. मात्र, मुबईनाका पोलिसांनी घटनास्थळी धाव घेत परिस्थिती नियंत्रणात आणली. त्यांनी सीसीटीव्हीची पाहणी केली. तेव्हा गॅस गळतीमुळेच स्फोट झाल्याचे निदर्शनास आले. रूपेश गायकवाड यांनी स्टोअर रूममध्ये प्रवेश करून विजेच्या दिव्याचे बटण लावले. त्यानंतर तात्काळ स्फोट झाल्याचे सीसीटीव्ही फुटेजमध्ये दिसले. या प्रकरणी मुंबईनाका पोलिस ठाण्यात गुन्हा दाखल करण्यात आला आहे.

इतर बातम्या :

शरद पवारांनी विधानसभा पराभूत उमेदवारांची बैठक बोलावली, चर्चा, कानमंत्र आणि निवडणुकीची व्यूव्हरचना, बैठकीचा प्लॅन काय?

कोकणात जाणाऱ्या मार्गावर पोलीस तैनात; वाहतूक कोंडी सोडवण्यासाठी दिलीप वळसे-पाटलांच्या सूचना

Terror of Koyata Gang among traders in Nashik Road area

Read Full Article

Click on your DTH Provider to Add TV9 MARATHI