कोकणात जाणाऱ्या मार्गावर पोलीस तैनात; वाहतूक कोंडी सोडवण्यासाठी दिलीप वळसे-पाटलांच्या सूचना

णेशोत्सव अवघ्या चार दिवसावर आला असून कोकणात जाण्यासाठी चाकरमान्यांची लगबग सुरू झाली आहे. त्यामुळे कोकणात जाणाऱ्या मार्गावर वाहतूक कोंडी होऊन मोठी समस्या निर्माण होण्याची शक्यता आहे. (police tightens security in konkan for ganesh festival)

कोकणात जाणाऱ्या मार्गावर पोलीस तैनात; वाहतूक कोंडी सोडवण्यासाठी दिलीप वळसे-पाटलांच्या सूचना
सांकेतिक फोटो

मुंबई: गणेशोत्सव अवघ्या चार दिवसावर आला असून कोकणात जाण्यासाठी चाकरमान्यांची लगबग सुरू झाली आहे. त्यामुळे कोकणात जाणाऱ्या मार्गावर वाहतूक कोंडी होऊन मोठी समस्या निर्माण होण्याची शक्यता आहे. या पार्श्वभूमीवर कोकणात जाणाऱ्या मार्गावर मोठ्या प्रमाणावर पोलीस बंदोबस्त ठेवण्यात आला आहे. राज्याचे गृहमंत्री दिलीप वळसे-पाटील यांनी तशा सूचनाच दिल्या आहेत. (police tightens security in konkan for ganesh festival)

कोकणात जाणाऱ्या मार्गावर स्थानिक पोलीसांबरोबरच महामार्ग वाहतूक पोलीस तैनात करण्यात आले आहेत. भाविकांना कोणतीही अडचण येऊ नये, वाहतूक खोळंबू नये यासाठी सर्व आवश्यक त्या उपाययोजना करण्यात आल्याचे गृहमंत्री दिलीप वळसे-पाटील यांनी सांगितले.

दिलीप वळसे-पाटील यांनी गणेशोत्सवाच्या पार्श्वभूमीवर एक बैठक घेतली होती. या बैठकीस ठाणे, रायगड, रत्नागिरी, पुणे, सिंधुदुर्ग, सातारा, कोल्हापूर या जिल्ह्यांचे जिल्हाधिकारी, जिल्हा पोलीस अधिक्षक, सार्वजनिक बांधकाम विभाग, राष्ट्रीय महामार्ग प्राधिकरण, परिवहन, एसटी महामंडळ, महाराष्ट्र राज्य रस्ते विकास महामंडळ आदींचे वरिष्ठ अधिकारी तसेच पथकर कंपन्यांचे प्रतिनिधी उपस्थित होते, त्यांनी आपल्या कार्यक्षेत्रात केलेल्या कामांची आणि सुविधांची माहिती यावेळी दिली.

दोन दिवसात खड्डे बुजवा

कोकणात गणेशोत्सवासाठी जाणाऱ्या भाविकांची गैरसोय होऊ नये म्हणून कोकणात जाणारे सर्व रस्ते, महामार्ग सुस्थितीत असणे गरजेचे आहेत. भाविकांचा प्रवास सुलभ व्हावा यासाठी पनवेल, पेण, महाड रस्ता, सातारा, भुईंज,शेंद्रे तसेच कराड-पाटण चिपळूणमार्गे कोकणात जाणारा महामार्ग, मुंबई-गोवा महामार्ग, वाकण-पाली-खोपोली मार्ग, सिंधुदुर्गातील वागदे-कुडाळ मार्ग, आंबेनळी घाट, ताम्हिणी घाट, रत्नागिरी-सावर्डे रस्त्यांवरील खड्डे बुजविण्याची उर्वरित कामे दोन दिवसांत युद्धपातळीवर पूर्ण करण्याचे निर्देश नगरविकास मंत्री एकनाथ शिंदे यांनी दिले आहेत.

टोल सवलत

दरवर्षीप्रमाणे यंदाही कोकणात जाणाऱ्या गणेशभक्तांच्या वाहनांना पथकरात सवलत देण्याची घोषणा करतानाच या वाहनांसाठी स्टीकर्स तातडीने उपलब्ध करुन देण्याचे निर्देशही शिंदे यांनी दिले. मुंबई-पुणे, पुणे-सातारा, मुंबई-गोवा या महामार्गावरील पथकर नाक्यांवर अधिकचे मनुष्यबळ नेमणूक करुन गणेश भक्तांच्या वाहनांसाठी स्वतंत्र मार्गिका ठेवल्यास वाहतूक कोंडी कमी होईल. सार्वजनिक बांधकाम विभाग, रस्ते विकास महामंडळ, राष्ट्रीय महामार्ग प्राधिकरण यांनी समन्वयाने पथकर नाक्यांवर भाविकांची गैरसोय होणार नाही यासाठी विशेष लक्ष ठेवण्याच्या सूचनाही देण्यात आल्या आहेत.

भक्तांशी वाद घालू नका

पथकर नाक्यांवर गणेश भक्तांशी वाद घालू नका, पथकर सवलतीचे स्टीकर्स उपलब्ध करुन देण्याबरोबर पथकर नाक्यांवर रुग्णवाहिका, जलद प्रतिसाद वाहने, जेसीबीबरोबरच पुरेसे पोलीस बंदोबस्तासाठी तैनात करा. कोविडचे संकट पाहता भाविकांना कोणताही त्रास होणार नाही याची दक्षता घेण्याच्या सूचनाही शिंदे यांनी यावेळी दिल्या. (police tightens security in konkan for ganesh festival)

 

संबंधित बातम्या:

कोकणात जाणाऱ्या चाकरमान्यांना टोल माफी, गणेशोत्सवाच्या पार्श्वभूमीवर निर्णय; सुविधा कशी मिळणार?

आरोग्य महत्वाचे, उत्सव नंतरही साजरे करू, गणेशोत्सवाच्या पार्श्वभूमीवर मुख्यमंत्र्यांचं आवाहन

मेहबूब शेख यांचं आव्हान चित्रा वाघ यांनी स्वीकारलं, म्हणाल्या, ‘मलाही दम बघायचाय’

(police tightens security in konkan for ganesh festival)

Read Full Article

Click on your DTH Provider to Add TV9 MARATHI